انا سبق وكتبت اكثر من موضوع
اني كرهت الناس وسيرة الزواج
انا ما اكره شيء ابي كرهني بكل شيء
مو بمعنى كره شديد لكن من شدة ضغط
ابوي علي خلاص ما عاد لي نفس لشيء


حتى لما اخذت جوال كت يصيدني وانا عليه
ما اجلس عليه كثير لكن يقدر الله اني لما اجلي
عليه يدخل علي ويهزئني تهزيييئ موطبيعي
انا اتجنب ايش يقول لأنه يوجعني كثير
زي مثلا والله بكرا اذا ما شفتك طالعت
لك مع واحد من الاجهزة هاذي

استهدي بالله يا ابوي الطف الجو
يزيييييد يالله قلبي يعورني ويجرح اكثر
والله وانا اكتب قلبي وجعني

مواقف اخرى:
تعبت وانا اوديك واجيبك خلاص لمتى
وبالنهاية بتقعدين بالبيت احسن لك
من يدري افصلي وريحنا اعوذبالله اشغلتونا

تخيلي كل يوم تسمعين زي كذا
والله بعض المواقف تزيدني ايمان وقوة بالله
واشكر الله ع ان ابوي كذا لأنني اصبح قريبه
من الله اكثر واحيانا ابتعد وأتألم

المصيبه بعد فترة صادني ع الجوال< رحمتك يالله
وحلف يمين وقال والله اذا ما كرهتك فيه
اذا ما هليتك تعزفينه (بمعنى تكرهينه كره شديد)

اقسم بالله بعد فترة مسكت الجوال ونظفته
وجبت حجرة كبيرة وكسرته كسرررته من قلب
وابكي بكااااء شديد طبعا حاولت اطلع اخواتي
من الغرفه لكن رفضوا ويشوفوني وانا اكسره
ودمعت عيونهم يدرون ان كل هذا بسبب ابوي

وانظف كل حاجه واكنس المكان
واخرج ما كأن شيء صار
انا انسانه اذا انفجرت
انفجر ع اكثر شيء كان
مضايقني عليه ابوي

يعني خلاص اكرهه كره شديد
ومن بعد ما كسرته ما اشتريت جوال

وعلى هاذي الحاله اذا فقدت شيء
احبه ما ارجع اشتريه او استخدمه مره ثانيه
سبحان الله مو بيده لكن شيء بالنفس
عافته وانتهى آللي بعدو ؟

ومواااقف كثييييره توجع القلب
المشكلة إن التهزئ علي انا اكثر شيء

واحيانا يقول لي لو يجيني اي رجال
يخطبك بوافق ع طول وجع خل نفتك
منكم لا تنعسون علينا

سلامات يا ابي ؟
عمري 21 سنة
ليش كل هالعنف ضدي
بالاسلوب والقول باقي الفعل فقط


وانا والله ويشهد الله ان ما همني الزواج
لكني اقول ايوا احسن اي احد خليني افتك
من المشاكل واحيانا اكره الزواج
واحلف يمين اني ما حأتزوج
اخاف يكون عسل بعدين يقلب علي


شفتو لو قلب علي اقسم بالله وجلالته
لأطلب طلاق واعيش لوحدي طول عمري
اقضي الباقي من عمري لوحدي
واحقق امنياتي ولا استقبل اي رجل بعدو

حأقفل ع نفسي واتعرف ع مهاراتي وقدراتي
واختلط بالناس اللي يحبو نفس الاشياء
اللي احبها انا اي شخص اكتشف انو معقد
حأتركه بدون ما اقوله او حتى ارسله رساله

حأتركها لو كانت صديقة او زوج او مديرة
حأتركها تكتب مليون الف رسالة تنتظر رجوعي
والله لن ارجع لأي شخص قهرني او خذلني
او حتى اكتشفت فيه شيء ما عجبني



هل انا معقدة ؟
هل طلبت اشياء خيالية ؟
هل انا مريضه ؟


انا استحق ما اريده
وما أريده سأسعى له
حتى لو خسرت العالم.