أول شي.. تأكدي من سبب زواجه لا يصير كيد نساء

المفروض مافوتتي نقطة ان علاقتها مو كويسة مع أهله فاحتمال انهم حرشوه وشيشوه لأنها متمشكلة معاهم وليست مشكلتها معه! يعني لازم تتاكدين مليون بالمئة ان مبادرة الزواج وقراره منه وليس من غيره..

ثاني شي.. نقطة انه مو مرتاح معاها كيف ذكرها لك؟ هل فصل وبين لك عيوبها ولا مو مرتاح وخلاص؟

ثالث شي.. كم عمرك وعمره؟ وحالتك هل انت مطلقة ولا لك تجارب قبل؟ وفرصك بالارتباط كيف؟

رابع شي..لما تفكرين بهالموضوع انتي بمرحلة حرجة.. اتركي عنك العاطفية تماما وتناسيها لو حضرت

واقعيا مافي حب بثلاث شهور.. في ميول فطرية غريزية

وموضوع التردد والتواصل والانقطاع يحسب ضده

لذلك حتى بعد الزواج من المحتمل انه يطف فيك بالضبط نفس طفة بداية الخطبة اللي اهتمام زايد بعدين فتور -ولاحظي انها جات بسرعة وراحت بسرعة-

اسألي نفسك هل انتي مستعدة تتحملين هالموضوع يمشي بنفس الطريقة حتى بعد الزواج؟