اقتباس:
المشاركة الأصلية كتبت بواسطة متفائله200
شوفي ياقلبي اكيد في شيئ يجعلهم يقولو كذا
لكن حتى لو في شيئ يجعلهم المفروض ينصحوك مو يطنزوا
الان التغيير ضروري يجي منك ....
أول شي تتخذيه الصمت أغلب وقتك كوني صاااااامته لا تتدخلي في سواليفهم خليك ثقيييييييله مررررره واذا جرحوك قومي ساكته سوي اي شي اشتغلي او نامي اذا حاولو يعرفو اشبك انتبهي تقولين انتو كرهتوني في عيشتي انتو وانتو لانه واضح انك طيبه بزياده لما يقولو نمزح ترضي بسرعه
لا ياقلبي طنششششي وقولي مافي شي عبري لهم زعلك بسكوتك ....
خليك كذا فتره طويله رح يحسو بتغيرك ...
لاتكوني لزقه مره لا عند زوجك ولا اهلك إشغلي نفسك بأمور تهمك إنتي...
بتلاقي مزيد من التحطيم لكن اجعلي السكوت هو الي يحل مشكلتك ....
واذا حبيتي تسولفين معاهم لا تمونين بزياده ويرجعو يستهتروا ...
|
صدقيني انا استعملت هالحل بس يتمون يضغطون علي اكثر ويتمسخرون شفيها الخبله ساكته واهل زوجي مثلا يتمون يسالوني اسئله عاديه وانا لو مارديت بصير مو متربيه عدل وتصير مشاكل
مره من المرات نادتني امه وانا والله ماسمعتها وصارت مشكله عوده وقعدت تقولي حضرتها جم مره انا ناديتها
والله انا مو لازقه لهم حتى كلامي قليل وياهم بس انا ادري انه كله بسبت زوجي الله لا يوفقه وكلامه عني وقلة احترامه لي وكاني جدار عنده