أخاف أجوبتي ما تكون منصفة ..

.
.

^
^

هذه كانت راح تتحقق بحصول الزواج .. سواءً هو أو غيره ..
بالعكس ، علاقتي بهم تسوء بسبب وجودي معاه .. لإنهم خايفين يتدخلوا و يكونوا هم السبب ..
يعني هو ماله فضل علي بالشي هذا ..

.
.

هل لازال موجود هذا الاحساس ؟)
ما أظن موجود .. أصلا حتى زمان ما كان يعني لي هذاك الشي ..
لكن كنت أحاول اني ابحث عن ايجابيات استمراري معه ، و اقنع نفسي بالشي هذا ..
و حتى طريقة مدحه تحسيها
( غير مبتكرة .. حفظ و لصق و تكرار .. فقط ، و كلام أفلام عربية ، بدون طعم و لا لون )

يعني نقدر نقول - عالأقل افضل من لاشي - ..
حتى اني ابتسم له ابتسامة صفراء و مرات اتجاهله و اعمل حالي ما سمعته .. لإنه يصيبني بالغثيان ..
( من بعد اللي حصل منه ) .. ما أبغى اجامله على حساب نفسي و لا اعلق حالي فيه ..

.
.

- هو مرافق جيد بالسفر - حاليا فقط - .. لكن مجرد ما أولادي يكبروا شوي .. يعني اعطيني سنتين أقل شي ..
و ما أعتقد اني راح أكون بحاجة لوجود ابوهم معانا في السفر أو الدراسة بالخارج ..
راح يكون وجوده معانا ( عبئ ) فقط .. و وجود الشغالة معاي ، أهم من وجوده هو ..

.
.

ألغيت الصداقة لأنها انكسرت حسب كلامك
اذا ليس لها مكان في الوقت الحالي حتى تقدري تسترجعيها
ولو تشوفي لها مكان ومؤثر رجعيها

أنا ألغيت مفهوم الصداقة من قاموسي بشكل نهائي و بسببه هو ..
سواء صداقتي له هو أو غيره من قريبات أو زميلات .. باستثناء أولادي ، أحاول اصاحبهم ..
و اصبحت شخصية مختلفة تماما عن قبل .. و بشهادة كل اللي حولي ..

و صداقتي لزوجي .. ما اظنها راح ترجع ..

.
.

(بعبارة أخرى فسح ومتع في الحياة يحققها والدهم وبيسر)

بالضبط ..
و خاصة اني انحرمت من الأمور هذه بوفاة أبوي الله يرحمه ..
و حابة أخلي اولادي يعيشوا المراحل و الفترات اللي عشتها بأيام أبوي الله يرحمه ..

و هذا السبب الوحيد اللي يخليني استمر معاه ..
لإني ما راح اقدر احققها لهم - لوحدي - ..

لو السواقة مسموحة لنا ، ما كنت أبدا احتجت له و كنت لغيته نهائي من حياتنا ..