أبغى ارجع اكمل و ارد على بقية الاستفسار ..
و على رد أخوي الفاضل ابو حكيم ..

.
.

ملاحظة /

الشيخ بالمحكمة قال لنا ضروري تروحوا لواحد يقرأ عليكم ..
يقولوا انتوا محسودين ، و واضح جدا .. و قال فيه شي بينكم ..

و قال اول مرة و من كم سنة اشتغل مصلح بالمحكمة - و الشيخ هذا رئيس مجلس الإصلاح بالمحكمة و يطلع باليوتيوب -
قال ما شفت زوجين مثلكم .. جايين تنفصلوا عن بعض ، و بينكم انسجام و توافق و واضح بينكم حب و مودة ..

ما أعرف ..
فيه نفور بداخلي .. ما اظهر له الشي هذا ..
لكن فيه نفور و أكره اشوف وجهه ؟
مع إنه ملامح زوجي أحبها .. لكن اكره اطالع بوجهه ماعرف ليش ؟

و من يوم هو نقل لعندنا ، و النفور من ناحيتي تجاهه بيزداد يوم عن يوم ..
مع إنه بيعمل اشياء كويسة .. و تنحسب له ؟
مثلا قبل لا اجلس بمقعد السيارة .. تشوفيه بيده يمسح الكرسي ..
يخلي الأولاد يحترموني و يقدسوني بشكل عجيب .. و يا ويل اللي يكسر كلمتي أو يزعلني ..
زوجي يعاقبه أشد العقاب ..

يسهر مع الأولاد و ما ينام ، و حتى لو كان نايم وصحي ولدي نص الليل ..
زوجي يقوم يعمل له قارورة الحليب عشان أنا ما أقوم ، و يغير لهم الحفاضات الله يعزك ..
هذه تصرفات افتكرها فقط لما نفترق .. مع إنه زوجي يعشق النوم و معروف عنه النوم ..

و أنا انسانة احتفظ بجميل أي شي يخدمني و ما انساها له طول العمر ..
و اجلس افتكر معروف الإنسان مهما كان حجم المعروف ..
بس ماعرف فيه شي ينفرني منه ..


((((( يمكن المشكلة فيا أنا ؟؟؟؟؟؟؟؟؟؟ ))))))

و اللي يخليني اتراجع ، لما افتكر الفترة اللي تحملت فيها مسئولية الأولاد بنفسي ..

.
.