لو استمريتي.. ليه؟

ايش اللي يخليك ترجعين له؟

الدور الوحيد المطلوب منك هو دور الزوجة.. الكلام الانشائي اللي دبسيه بعيال ويتعدل.. سوي ويسوي ويتغير! انتي تتكلمين عن نظام حياته وتربيته بالكامل.. عندك استعداد تدفعين حياتك وراحتك ويمكن صحتك مقابل شخص يمكن يمممكن يكون كويس؟ مع انه ماعنده نية!

مانتي مصلحة اجتماعية وماهي وظيفتك تربينه او تدلينه على الصح.. ماخطبك ورضيتي فيه الا هو انسان بالغ بكامل قواه العقلية..

والدور المفروض يلعبه كزوج ماهو موجود اساسا.. سفر ودعارة وشرب وخيخة ماما واي احد يسيره! بذمتك تشوفينه مصدر امان لك كأنثى؟

وحياتك مو سبيل وحياتك مو رخيصة عشان نفسك تهون عليك كذا!

استغرب من اللي تحمل نفسها فوق طاقتها على امل تغيره.. اذا ماتغير وانصلح عشان نفسه فماراح يتغير عشانك ولا عشان احد

ماراح تتحاسبين عنه بالاخير..

انفذي بجلدك قبل مايزيد عدد الضحايا.. قلتي تبين خلفة؟ شلون تبين خلفة تربينها بهذا الجو المريض؟ يعني امثال هالعائلة عاهات بالمجتمع يفسدون بالارض.. تبين تزيدينهم؟

الله يعوضك..