رد : دردشات نسائية ...
خلوني اسدح لكم هالسيرة دامني صاحية ههههههههه
قبل كم يوم ام الدانة اقصد مريوم وام سلطان اقصد مهرة 
تكلموا عن الكنية واسمائهم
انا الصراحة ابدا ما احب حد ينادي ام فلانة احسن انه يكبرني وايد
وطفارتي ان قال لي خاله 
في قبل كم شهر ايام الرشاقة الله يعيدها
كنت بجمعه ولمة حريم كثيرة وفي بنت عمرها بحدود 22 او اكثر
كل شوي تنادي خاله خاله خاااااااااااااااله الى ان طلعت عيني
وتنادي لوحدة ثانية باسمها مع انها اكبر مني بسنتين ,, بس توها متزوجة وعندها بيبي واحد
انا الصراحة حر قلبي منها بس مو قادرة انطق
بعدها بكم يوم اجتمعنا انا والبنت ام الخالة هههههه
بجمعه حريم صغيرة
فسالتها عن عمرها وتفاجات بوقتها اني اكبر منها بكم سنة
سالتها ليه تناديني خاله ولفلانه باسمها مع انها اكبر مني بسنتين
انبلع لسانها وما عرفت ترد هههههههههههه
وكل الحريم ايدوني بهذا الشي على الاقل ليه تنادي فلانة باسمها وانا لااااا
هل حصل لكم مثل هالموقف البايخ
التعديل الأخير تم بواسطة دوندرمه ; 15-02-2015 الساعة 01:29 AM