عزيزتي كوكي انا معك بكلامك وبحترمه وكلام سليم

بس بتعرفي وصدقا انو قبل ما اتزوج وسافر على بلاد الغرب اللي لاحظت الفرق انو ببلادنا العربية بينصرف اكتر بكتير من دول الغرب على هاليوم وبيحتفلوا اكتر منهن
هون بيكتفوا بوردة واوقات معها عزيمة عشا الاوروبي اهديه شي ب5دولارات بحس بقيمة الهدية المعنوية اكتر من المادية وبتعنيله كتير كتير
واجمالا باغلب ايامهن بيهدوا ورد وموجود باغلب بيوتهن تعبير عن عربون مشاعرهن ان كان لاحد افراد العائلة او كصديق او حبيب
وعم احكي من الواقع اللي عايشته اذا بدنا نحكي عالتوفير اكتر شعوب مقتصدة ومش مبذرة الشعوب الاوروبية وهيدا هم اخدوه مننا لانو اصل الاسلام
ومين قال انو ما اخدوا شي من اسلامنا واللي مبتعثين او بيعملوا سياحة باوروبا لاحظوا هالشي اخدوا كل صفات الحسنة بالاسلام شوفي الفرق بينا وبينهم هني بياخدوا الاشيا الايجابية وبيستغلوها ونحنا بناخد الاشيا السلبية وبنغرق فيها الملامين نحنا
مش عم دافع عنهن وقلل من حالنا بالعكس نحنا فخرنا انو مسلمين بس بنفس الوقت كلمة الحق تقال
ومتل ما سبق وقال اخونا اهداني ثلجا يوم عادي متلو متل اي يوم ورد وبس يعني انا امبارح احتفلت اكتر ما هني بيحتفلو وطبعا بما يرضي الله بس احتفالي مش معناته لانو عيد لا انا باخد الامور من وجهة نظري بنظر بطريقة ايجابية تجديد مشاعر قتل الروتين وبحتفل فيه باشهر وايام من السنة ما وقفت على هاليوم
واللي بعيش باوروبا واجبه يعطي انطباع وصورة حلوة عن الاسلام بعيد عن التعصب وقت يشوفوني حاملة وردة بعكس الصورة السيئة اللي اخدها الغرب من الاعلام انو ما بنعرف شي عن الحب واننا شعب كل همه التنازع
وقت سألتني في احد الايام امرأة اجنبية كيف كانت عطلتي بعطلة الميلاد وشرحتلها اني احتفلت مع عيلتي سألتني اول شي انو احتفال عيد شهر رمضان قلتلها لاء رجعت سألتني عيد محمد قلتلها لا بل عيسى وشرحتلها انو نبي قلنا ومذكور بكتاب الله بتعرفي ئديش فرحت بكلامي وقالتلي حسب ما بيسمعوا من الاعلام عندهن فكرة غلط عننا لو انا جيت قلتلها انا ما بحتفل بعيد الميلاد وانا مسلمة وهيدا حرام عندي انا كيف بكون عم وصلها الصورة عن الاسلام الاهم اني احتفل بما يرضي الله واشرح لاطفالي سيرة النبي عيسى عليه السلام وجبلهم الكلام من القران الكريم فما بعتقد ربي رح ينظر لعملي بهالطريقة كبدعة واني ضفتو على اعياد المسلمين
وبعتذر من صاحب الموضوع لاني رجعت غصت بتفاصيل زايدة عن صلب الموضوع بس بحس كلهن مترابطين ببعض وبيتلخصوا بالاحتفال والتقليد
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه