اقتباس:
المشاركة الأصلية كتبت بواسطة شوك11
ابذلي الاسباب عشان ربي يكرمك بولد
لما حملت ببنتي الثانية بكيييييت وزعلت الدكتورة علي قالت ليش تبكين
قلت لها والماجستير؟!قالت هذا اهم من الماجستير، هذا الدكتوراة بتعتك
بعدها لما صرت احمل واسقط فهمت قيمة كلامها
ما تضمنين صحتك يا كوين
ابذلي الاسباب
وبناتك الحين ما شاء الله عليهن كبار
|
بسراحة انا متأكدة ان الحمل ماراح يوقف بوجة اهدافي ...
بس ياشووك بناااااتي بناتي جننوني ...
انا بناتي 24 ساعة لاصقين فيا ... مو من النوع الي يجلسو بغرفتهم ويلعبو او يشوفو التلفزيون ... لا انضف البيت يمشو ورايا ... اطبخ يجلسو عند الفرن ... اقرأ كتاب او ماسكة الجوال جالسين على رجلي ويتضاربو على حضني ...
والله ياشوك ادخل الحمام الله يكرمك اتحمم او البس يستنو عند الباب ويدقو الباب لين اطلع ...
لما اشرب القهوة او ابغا اروق اظطر اقفل الغرفه عليهم واقفل على نفسي بس نص ساعة عشان اروق ...
طول اليوم يامااااامااا ... ابغى مويا ...ابغى اكل ابغى حمام ... مايتحركو شبر بالبيت لازم معاهم ...
اقولهم ترا هدا البيت بيتكم خدو راحتكم حبايبي لاتستحون هههههه👎👎
مااصدق تجي الساعة 7 عشان ينامو ..
ماادري بس بناتي كدا ولا كل الاطفال ...
شوفي دحين اكلمك ... واحدة جالسه تلعب بشعري .. والتانيه تبوس .. شفتي كيف البطة لما تمشي وراها اطفالها ... انا زي كدا شكلي بالبيت هههههه
الله يهديهم يارب ويحفظهم 😭
__________________
سبحانك اللهم وبحمدك، أشهد أن لا إله إلا أنت، أستغفرك وأتوب إليك