السلام عليكم اختي

ممكن تقولين ان انتي فاهمه والعمر مايهم وانه مايلعب عليك

يوم كنت بعمرك كنت اسافر باهلي لحالي واقعد بمجالس الرجال مع ابوي اسولف معهم
ودايم اسمع من غيري اني شخص يعتمد عليه
الحين قمت اضحك على اشياء كنت افكر فيها بذاك العمر واشياء فعلاً غبيه واقول الحمد لله اني ماجبت العيد
هذا اول شي وبعد كم سنه انتي بتعرفين وش انا اقصد

اختي توها متخرجه من الثانويه وداخله الجامعه
ماشاء الله عليها بنت مجتهده وتشتغل بالبيت وفاهمه ومثقفه
لكن للحين احس ان عندها من الافكار اللي كانت عندي يوم انا بعمرها

تجيك فتره بحياتك تحسين انك تفهميت الكل
لكن بعد كم سنه بتشوفين العكس ان انتي مافهمتي احد وبالقوه تفهمين حتى نفسك

لاتستعجلين بالزواج لهذي الاسباب

ثاني شي العمر بينكم كبير تقريباً ١١ سنه
فيه فرق بطريقة التفكير ونظرة الناس لكل واحد منكم
خل نقول بتسافرون
المدينه اللي بيختارها هو غالباً بتكون هاديه
لكن المدينه اللي بتختارينها انتي غالباً بتكون صاخبه
يعني ممكن انتي تفضلين نيويورك وهو يفضل النمسا

ثالث شي
من جدك شهر وفاهمك؟
وبعدين وش يعرفك انه رجل بمعنى الكلمه ومافيه عيب؟
انتي مادخلتي معه، ماسألتي عنه، ماشفتي من يمشي معهم
الحين الواحد اذا جاه احد يبي يتزوج اخته او بنته يفصفصونه فصفصه ويحاولون يطلعون كل شي عنه قبل لا البنت تعرف اي شي عن الخطبه علشان يعرفون اذا الرجل يستاهل او لا
وفيه طرق كثيره الرجال ادرى بها