خواطر ..

انا وجهة نظري - كذا و كذا - ..

اول شي ..
لما كنت فاتحة الصفحة و اقرا .. زوجي فجاة سحب الجوال و بيقرا قبل لا أقفل الصفحة ..
لانه ما يحب الصراحة المنتدى هذا .. هههه يقول لي يسمموا افكارك .. بس اخسريه ..
هو ما يبغاني اتعلَّم و اتنور و لا يبغاني استفيد

المهم بالصدفة كنّا نتكلم عن موضوع السيارة .. و قلت له ترى مو انا الي كاتبة الموضوع ..
بس صدفة وحدة كذا كذا تسال ..

قالي .. قوليلها خليه يكتب ورقة على نفسه ..

.
.

المهم ..

انا ( مع ) انك تضمني حقوقك ..
سواء اخوك .. زوجك .. اختك .. ايش ما كان ..
لانه الحق حق .. و ماحد يزعل من الحق ..
بزنس إز بزنس ..

لكن مسالة انك خايفة من لا سمح الله انه يغدر بك ..
هذه بيد الله .. ممكن كمان هو يتحجج و يقول لك انا دورت على وحدة تانية عشان تساعدني و تطلع لي سيارة !
يعني الرجال - ماهم مضمونين - ..

و مافي احد مضمون بالدنيا هذه ..
حتى نحن الي ربي خلقنا .. لما ربي يرزقنا بنعم كثيرة .. بننكر فضله و ننساه و ننشغل عن ربنا المتفضل علينا ..
هذا طبع البشر يا قلبي .. سواء انا او انت ..

و حتى لو لو لو لو .. فرضا ..
زوجك كتب لك ورقة .. و لا سمح الله صار اي شي بينكم ..!؟
برأيك انه الورقة هذه فرضا .. راح تحفظ لك حقوقك !؟
تبغيني اصدق انك ممكن بيوم من الأيام تسجني ابو بنتك او ولدك !؟
مستحيييييييييييل صدقيني .. انك بتسجني ابو الاولاد عشان الفلوس و حتى لو لاسمح الله تركتوا بعض ..

.
.

عشان كذا ..
خلي السيارة باسمك .. هذا افضل شي برأيي ..

.
.

و فيه نقطة حبيت اعلق عليها ..

زوجك لما ساعدك عشان تكملي دراستك .. ما قال :
ليش اخليها تكمل دراستها و تاخد شهادتها و بعدين ممكن تتخلى عني اذا صار لها راتب !

.
.

بصراحة ..

لو زوجي ساعدني بدراستي .. و كان له الفضل بعد الله اني اخد شهادتي ..
راح اطلع له سيارة - بطيب نفس - هدية مني ..
بس بعد ما اضمن لنفسي بيت ملك .. و ما اضغط عبى حالي


.
.

اخويا الكبير كان له الفضل بعد الله علي اني اكمل تعليمي الجامعي ..
لانه كان يسافر روحة و رجعة و عشاني .. و الى الان شايلة جميله فوق راسي و لو يبغى اي مساعدة ما راح أتأخر عليه

مع انه تزوج و يفضّل زوجته على أخواته .. و مع انه قلب علي فترة بسبب زوجته و اخواتي و اخواني ..
يعني مافي شي مضمون ..

و انا مستحيل أنسى فضل اخوي ..
بس برضو .. خلي الامور المادية بعيدة عنكم ..

.
.

الزبدة ..

اشتري سيارة و خليها باسمك ..

او اتفقي معاه على :
- انك تشتري السيارة .. و هو كل شهر يعطيك مبلغ الف ريال مثلا ..
تسددي فيه فلوس السيارة ..

او ساعدي و لا تستني منه مقابل مادي او معنوي ..
عشان تتجنبي اي مشاكل مستقبلية ..

و لو شفتي حالك ما تقدري على كذا ..
خلاص قفلي الباب هذا من دحين ..

يزعل دحين و لا بعدين ..