صبحكم الله بالرضا والسعاده ابي اقولكم قصتي عشان ارتاح ولو شوي تعبانه نفسيا وجسديا زكككللل ششششي انا دوبي مطلقه من 3 شهور من ولد خالتي تقدم لي بشهر 6 اللي فات ورفضته لانه متزوج واصرت علي امي بالمرررة وما اعطتني مجال للرفض ووافقت وانا مو مقتنعه بتقولون وين ابوك ابوي كان متنوم على جدي-الله يرحمه-بالمستشفى وطول وقت الخطوبه ماشفته وكنت ارسله رسايل حاول تجي تشوف موضوعي ولا كان يرد علي ...المهم امي ردت خبر لهم بالموافقه وبعد اسبوع مات خالي وبحكم انه بمدينه ثانيه سافروا له ومع العزاء وكذا جلسوا فترة وبعدين جو يبون يسوون الملكه وطلع ابوي من عند جدي-الله يرحمه- وكل شي صاير وخالص واليوم الثاني رحنا اخذنا التحاليل وباقل من اسبوع طلعخا العريس وسوولي الملكه لا رقص ولا غناء ولا اي شي من مراسيم الفرح وكانت ببيت اهلي لحكم خالي الله يرحمه ...تمت الملكه وبعدها بعد 3اسابيع تم الزواج بنهايه شهر7 اللي فات وقبل الزواج باسبوع واربع ايام مات جدي حزنا عليه حزن وبكينا عليه بكا يفتت الصخر الله يرحمه زيغفرله ويجمعنا به بجنته يارب-نرجع لموضوعنا ورفضت امي رفض قطعا ان الزواج يتأجل وابوي.......لا تعليق-/الله يسامحه بس المخم كان نفسي اني كلمت طليقي وقلت يأجل الزواج وكذا بس ماقدرت لان الوالد كان مانعنا من المكالمات المهم تم الزواج وفرحتي ناققصه الا ماكانت فيه فرحه اصلا امي واخواتي مانقشوا ولا تكشخوا ولا راحوا المشغل ولو ماشتروا الفساتين قبل يموت الله يرحمه كان مالبسوا بعد وكانت زفتي كمان ببيت اهلي والزواج والفشخرة والدنيا كلها بالقاعه لاهل العريس-الظاهر انهم فرحوا اكثر مني انا يالعروسه- وتمت زفتي وانزفيت لزوجي والله كان طيب وحبوب وكل ابيه مايرفضه ومدلعننني لاخر شي ثح حصلت مشاكل وتدخلات واشباء واجد بس ماكانت افضع من حركات امي ...امي تدرون وش سوت قالت لخالتي اني كنت رافضته ومابيه وخالتي بدورها قالت لولدها تغير علي الرجال 180 درجه انقلب صار هذا مو زوجي اللي اعرفه وصار لو يحصل اي شي قال هذا حركات عشان اطلقك انتي ماتبيني ومهما كنت اقوله كذب وماصار هالكلام وانت تعرف اننا اعطيناكم الرد على طول وماكان يصدقني ابد اقسم بالله هالكلام صار وانا عروسه مالي كم يوم وماسفرني شهر العسل ولا رحت ولا جيت كنت ابكي لين ينفقع راسي وانام كنت انتظرة ينام واروح للصاله واروح اشكي لصديقاتي واقولهم وش اسوي كنت بموقف لا احسد عليه كنت اقول بنفسي مو كفايه انحرمت من فرحتي بملكتي وبزواجي مو كفايه هموم ليش انا حظي كشا وليش وليش..؟؟؟؟والله تني راضيه بالقدر بس حركات الأهل تقهررر وتخرجنا عن طورنا...اكمل،،سارت حياتنا شبه مستقرة لين رمصان صارت بينه وبيني مشكله تهاوشنا وكنت مقهورة ورحت شكيت لامي...تدرون وش سوت والله ماقالت لي شي ولا حتى واستني او جبرت بخاطري راحت قالت لخالتي المشكله وخالتي المصونه راحت قالت لولدها اقسم بالله اني بكيييت وانهرت يوم خبرني قاللي وش قايله لامك انتي صدمت صدمه بحياتي كلها ماعشت لحظتها...حاولت ابرر حاولت اوصح له وكذا رفض النقاش...وصار معي طبيعي وبالعشر الاواخر حصلت مشكله بيني وبينه ولميت عفشي ورحت لاهلي ....رحت اشكي لابوي واقوله واحكي له ماتفاعل معي ولاشي ....طبعا انا برمضان عرفت ان ابوي ماكان راضي بزوجي بس امي اللي خلته يوافق غصب وباصرار منها تم زواجنا وجلست عندهم فترة وبعدين انا اتصلت على زوجي وجاء واخذني ورجعت الاوضاع من شبه طبيعيه لين نهايه شهر11 اللي فات وقدر الله اتطلق وماحد تفاعل مع طلاقي ولا شفت احد حتى واسني او جبر بخاطري ولاشي حصل صمممت رهييييب من اهلي واهله ومن خالي المصلح الاجتماعي توقعته بيدخل ويحل المشكله على انها تافهه وزوجي هو سببها وماحد قال ولو كلمه طبعا الوالد تهاوش مع طليقي وهذا زاد العقده وحابلي الورقه اليوم الثاني ع طول ماصدق ع الله....انا الحين مطلقه من 4شهور ماني مقهورة هلى طلاقي ولا زواجي قد ماني مقهوره من امي اللي بس تبيني اتزوج وخلت الوالد يوافق غصب ماني مقهورة على طلاقي ولا زواجي قد ماني مقهورة من خشلان ابوي لي وعدم وقفته معي رغم اني بحاجته ورغم انا الوحيده اللي كنت ارعى جدي-الله يرحمه-وكان حاطني فوق راسه عشاني دايم قايمه لجدي والحين يتخلى عني باصعب ضروفي زواحي وطلاقي وماكان يحل مشاكلنا انا وزوجي عشتنه من اول مايبيه طيب خلاص الحين طاح الفاس بالراس مشي الموضوع وحاول تصلح بس ....ماقول الا الله يسامحه ويبيحه ..ماني مقهورة على زواجي ولا طلاقي قد ماني مقهورة ان امي كانت تبيني اتزوج بس عشان اختي الصغيرة تتزوج ومع هذا تفركشت خطوبه اختي من ولد خالي اللي كان ينتظرها من 4سنوات وكنت انا المانع باعتقادهم وبس يبوني اتزوج عشان تتزوج ويوم تزوجت ماصار نصيبهم -ما اتشمت والله بس اقول ان كل كككل شي قضاء وقدر بس وين البشر اللي يفهمون-ماني مقهورة على زواجي ولا طلاقي قد ماني مقهورة ان السبب في زواجي التعيس وطلاقي انه اقرب الناس لي ...امي ،،ماني مقهورة من زواجي وطلاقي قد ماني مقهورة من الخذلان وقله الحيله اللي اخس فيها بعد الطلاق ...الوالد بعد الطلاق صار شخص ثاااااني صار غريييب وطول وقته يناظرني نظرات غريبه يمكن رحمه يمكن شفقه يمكن...مدري.. ربي اعلم بالنوايا...والوالده صارت تربط كل شي بطلاقي مافيك خير وحركاتك اللي وصلتك لهذي الحاله لدرجه امس كانت تعايرني بطلاقي قدام اخواتي وانفعلت وصارخت بوجهها وقلت لها انت اللي خليتيني مطلقه وانت السبب بكل شي انتي اللي كنتي تحرضين انتي اللي كنت توسوسين وانتي اللي كنتي تنقلين الكلام راحت وتركتني....وجلست ابكي اليوم كله...من غير الغيره لما كانت تزورني بالبيت وتشوف الدلع عندي اقسم بالله اني لدرجه صرت اخاف من العين منها لا تقولون هذا امك جنتك ادري بس حطو انفسكم بمكاني اقسم بالله ماكان سبب الهم اللي انا فيه الا هي هي وصلتني للمرحله هذي هي اللي قست قلبي وخلته حجر اقسم بالله هي ماغيرها ....ياليت افعالها وقفت على انها تمت الزواج بدون رضى ابوي لا كانت تحرض وتوسوس واخرتها اتطلق بسببها ...الله يسعدكم اعطوني حلول واسوني خاصموني وجهوني قولوا اي شي ووش رايكم بحركات امي اقسم بالله بديت انهار مقهورة من كل شي كرهت الحياه بسببها وماقول غير خسبي الله والسلام عليكم ورحمه الله....