المشاركة الأصلية كتبت بواسطة أميرة بمملكتي

السلام عليكم ورحمة الله وبؤكاته

عدت لكم بعد غياب

مستجداتي كالتالي ..

بعد ما رجع من السفر .. سار العيادة و جاب نفس الادوية معاه

كلمته و قال لي : انه لما كان صغير كان فيه تأتأة بشكل واضح ولما كبر خف
حاليا هو اول ما يبا يتكلم شوي يتاخر شوي . يعني ما يبين وكانه بياخذ نفس
فقال انه قرا انه ممكن يكون سبب التأتأة خلل في واحد من الاعصاب
فراح لدكتور عام عل اساس يحوله اعصاب لكنه قال لازم يروح لدكتور نفسي بالاول و بعدها للاعصاب

راح لدكتور نفسي .. (هالشي انا استبعده من زوجي لانه ما عمده مشاكل نفسيه ) .. لكن الدكتور قاله هالاجراءات لازم النفسي يشوفه اول لما راح للدكتور قال بيعطيه كورس بهالدوا و بعدها بيشوف النتيجة

الدواء الاول .. cipralex
والثاني .. xanax

شرحته تاثير الدوا .. لكنه مقتنع و يقول مب خسران شي بجرب .. و قابه الدكتور انه هذي كمية جدا قليلة نص حبة

بخصوص الأمور التالية .. فاحاول قدر المستطاع أقلل من مشاعري و تعلقي فيه
و احن وازن لين اخذ حقي .. لانه كل شي ياجله
وانا من قبل اطلب مرة او مرتين وااتم منقهره .. الحين اطلب لو 20مرة ما عندي مشكلة هو جاب عوار الراس لنفسه شو اسويله

رجاء .. محد يتكلم عنه بشي مب زين