امين يارب

بعد ما قفلنا الموضوع خلاص سألته و احنا في الطيارة راجعين

قلت بسألك سؤال بس أتمنى ما يأثر في قرار الانفصال

ما تحس نفسك عجول ؟

صربعتنا عشان تتزوج و دحين تبغى تنفصل

انت ايش تبغى طيب !

قال صح انا عجول بس خلاص انا كده

اعرف نفسي اذا ما ارتحت من البدايه ما حكمل معاكي

طيب الراحه اللي تقصدها على أي أساس قيمتها في اربع ايام

ماعرفتني ولا عرفت خيري من شري

و زيادة عليها كانت فيه علاقه طيبة بيننا ايام الملكة و كنت متلهف

فجأه كدا صرت مو مرتاح !

طيب سيبك مني يمكن انا ما اريح

انت مو حرام المبالغ هذي اللي انصرفت في الفرح

ظلمت نفسك بالديون دي و حكمت على علاقه ما بدأت

بصراحه ما استنيت منه جواب

خليته يفكر فيها مع نفسه و يجاوب نفسه

انا رحت في وادي ثاني افكر وش اقول لاهلي

__________________

‏
الوعي هو الملاذ ..

أستغفر الله العظيم ؛
( الفردوس غايتي )