رد : تعلقت بمعلمتي تعلقا شديدا
اختي shnfh ..
انا الحين متخرجه من الكليه لي سنه .
والله اني مريت بحالتك بالضبط ولكن انا بديت برابع ابتدائي كنت اعشقها بجنون لدرجه اني مزعجه اهلي بسوالف عنها
احنا دامجين مدرستنا مع بعض ابتدائي متوسط ثانوي .. لكي ان تتخيلي اني حبيتها حب والله ماقد حبيت احد بحياتي كثرها
قلب ابيض حنونه على الكبير قبل الصغير ابتسامتها ماتفارقها كتومه ع الاسرار كل من في المدرسه يحبونها هذي مواصفتها
توقعين كم سنه احبها من رابع ابتدائي لين ثالث ثانوي مااغيب علشان اشوفها اذا غابت احس بضيقه كنت اشوفها الام الاخت
اذا دريت انها تنزل الطالبات للفسحه اقعد بالفصل لين تجي ارتاح نفسيا بعض الاحيان انزل واجيب اي سالفه علشان اكلمها
حبي لها ليس حب الاعجاب لا حبي لها بسبب قلبها اللي كل المدرسه بسببه احبوها تخرجت من المدرسه وكل الم وشوق لها حسيت نقص شي بحياتي بيوم رحت للكليه وكنت افكر فيها ازورها اسلم عليها كانت الظروف تمنعني وصلت ثالث كليه ولازال التفكير فيها بنت اختي مدرسه وهي زميلتها كانت تتكلم عنها قدامي وكل كلمه قلبي يسترجع ذكريتها حاولت انساها بالبدايه ماقدرت صار معاد فيه اي كلمه عنها يمكن لاني ماشفتها بس بدت تتلاشى من قلبي تخيلي معي 12 سنه وانا احبها
والله اني اتذكر كيف تسكت الاطفال الجدد بأول ابتدائي لدرجه انهم عشقوها ..
موضوعك رجعني زمن كان جميل بحياتي ..
اقولها لك اذا كانت امينه ولا تفشي الاسرار اجلسي معها وان فوتي الفرصه صدقين راح تندمين
علميها بالاشياء اللي انتي ودك تعلمينها لا تعلمينها اشياء وانتي معلمتي فيها احد بس علشان تجلسين معها كذا غلط
موفقه اختى وارجع واقولها انتهزي الفرصه