هلا اخي بالله
لاليس اناني ولااقصد يفكر بنفسه بالطريقه التي ذكرت
( همه ياكل يشرب يلبس ملابس نظيفه ......) << بالعكس عمره ماطلب واناافعل له كل هذه الامور ولااقصر معه ، وان قصرت ينبهني بطريقه حلوه وهاديه

انا القصد يفكر بنفسه يعني كل تفكيره انه يبحث عن عمل غير عمله الاساسي هو (طموح )
يعني كل حياته شغل في شغل يهرق عمره بهذه الاشياء يطلع من البيت علشان يتقابل مع ناس يخدمهم ويلبي رغبات العالم ويجامل فلان وعلان وهكذا .....
وياليت عاد استفدنا بشي والله مأستفدت غير الطفش والوحده ،
يعني انا مقدره زوجي بس مو لهذه الدرجه كل فتره يزيد عن الفتره التي قبله اول كان يوم او يومين بالاسبوع ينشغل ,,

صار الحين كل الاسبوع يشغل عمره وناسي ان عنده بيت وزوجه
وانا مو حابه اضغط عليه حتى مايطفش مني واحاول لو جاء من برى اكون مجهزه الشاي وجالسه مبسوطه .
_ يعني الحين عندي اشاء ومواعيد مستشفيات وكلها متعطله مافي وقت اروح له وهذه بسبب انشغاله

_ يعني زوجي مادرى عني مثلاً لو لقيت سواق وبطلع معه ادق على زوجي واقوله بطلع مع السوق يقولي عادي واتعجب موافقته السريعه وعرفت يبيني انشغل عنه بأي طريقه ولا اربط حياتي واشغالي فيه .

_ تفكير زوجي اعملي الي تبينه وانا اعمل الي ابيه مالنا شغل بالثاني << شي عجيب السراحه وماحبيت هذا الشي لأننا ازواج والحياة بينا شراكه .


_ من ناحيه يعبر عن الحبه فهو يعبر بطريقه ثانيه
لما اقوله صير رومانسي يزعل كثير ,
فيقول : ليه انا مو رومانسي وانا سويت هذا الشي ! حاولت مأتعبك ماطلبت منك تعملي غداء غصب عنك
ولو غيري ترى يزعل لو يوم جاء للبيت وزوجته ماسوت غداء
واذا انتي تتمنين علي بطبخك مايحتاج تطبخين وانا عند المطعم اجيب غداي
^^
يعني يفهمني غلط لما اقوله خليك رومانسي

انا حالياً بديت اقتنع انو خلاص لازم كل شخص فينا يفهم الاخر وطبيعته ويتعايش معها .

__________________