اليوم يومي..
ومن بعد أذان الظهر حتى قبل أذان المغرب زوجي معاي
بعدها طلع للمسجد بأمان الله وحفظه
و في الفترة اللي كان معاي فيها كان نقاشنا عن الحل
ولم نصل لنتيجة بعد
سألته خلاص رجعت حياتك معاها لمجاريها ؟؟
قال لي ما بجاوبج لا بالسلب ولا الايجاب عن مشاكل وخصوصيات زواجي الاول
لأن كلامي بالسلب او الايجاب يزيد مرضج وتفكيرج
اذا قلت ما رجعت بيظل الخوف عندج يمكن ترجع حياتي معاها
واذا قلت رجعت بتظل نفسيتج سيئة
انسيها.. وكوني لي مثل ما احب وبتملكين قلبي
تلقائيا الزوجة اللي تعامل زوجها افضل زوجها بيميل قلبه لها
قال انا ابيج زوجة
ابي زين اللي عرفتها زين اللي نفسيتها عالية وتحب الاخرين
زين اللي استقبلت بناتي بغرفة في قسمها عشان تتيح لهم جو ملائم للدراسة بعيد عن مشاكل امهم
زين اللي استقبلت ابنائي الصغار ودرستهم
زين اللي تحب اخواتي
زين اللي اذا انا غلطت وتكلمت بسوء عن زوجتي الاولى تقول لي ما احب تقول جذي عنها وكنتي تكبرين بعيني
ابيج واثقة بنفسج
ابيج تقولين لي عطني فرصة ثانية ومن عيوني بعطيج

بعدين راح مكتبه قبل اذان المغرب بشوي
و رجع لي وانا ماسكة القرآن شفته حط 80 دينار على الطاولة
ابتسمت وقلت له هذيل حقي ؟
قال اي خذي اللي تبينه .. ( تكلم ببرود )
قلت له تمام انت خذ 20 وانه لي 60
قال تمام
بعدين قبل لا يطلع من الباب قال لي على فكرة هذا معاش الشغالة

انتهت مشكلتنا ؟ لا
تكفون ساعدوني
ابي اتخلص من اللي انه فيه