رد : كيف أتغلب على غيرتي من زوجته الأولى ؟
حاولت القى لك عذر مالقيت اكتب وامسح اكتب وامسح
يا مره اتقي الله في زوجك وفي زوجته هي وش سوت لك
اجرمت يوم ضحكت مع زوجها ؟!! خافن الله ياحريم ارحمن بعضكن
كل هالأكشن عشان رجال ؟!!!
علقن قلوبكن بالله سبحانه وتعالى وخلكن من عبيده
تقولين غيره لا والله ماهي غيره
الغيره ماتسوي كذا
الغيره ماتخلي الوحده تسوي مثل ماتقولين
عشان سمعت ان اختها في الله تضحك لزوجها وقعدت جنبه ؟؟
ولا هو مرض نفسي تقنعين نفسك به
الدعوه الله يشفيك ويشفي كل مبتلاه شي ثاني
قولك انه ودك ان قلبه يميل لك يدل على ان قلبك ......
ليش ماتتمنين لها اللي تتمنينه لنفسك
انتي كتبتي مشكلتك هنا ودك بمن يتعاطف مع مشكلتك ويعينك
طيب ورا ماتعاطفتي مع جارتك بالمثل
والله ماكره الحريم في التعدد الا من مثل هذي القصص
الوحده ماتعين زوجها على العدل
لا
كل همها الرجال وكيف تسلخه من زوجته
بصراحه ماتعاطفت معك بالعكس حسيت جارتك هي اللي ينأسف على حالها
دام جارتها ودها تتنتحر عشان سمعت انها ضحكت لزوجها !!!!!
المفروض الغيره تدفعك لتقديم الأفضل في الاعتناء بزوجك واظهار حسن التبعل
لأن الغيره تدفع للتنافس مو للحسد
الله المستعان
ياليت ادارة المنتدى تسمح بكل الآراء
واللي يقولون ترفقوا معها ماعليش مو دايم الرفق ينفع
احيانا لابد من الشده
التعديل الأخير تم بواسطة ثبات ; 03-03-2015 الساعة 10:55 AM