المشاركة الأصلية كتبت بواسطة mimomea

اخي الله يحفظلك زوجتك ويخليكن لبعض
زوجتك عايشة على طبيعتها وهيدي ميزة بهالايام لان الاغلب عايش عالبريستيج والمظاهر
الاهم معدن الانسان من الداخل هيدا اللي بيبقى لانو الاصل
اما المظهر الخارجي بنقدر نغيره باليوم كذا مرة
ان كان بالتظاهر في الشخصية والسلوك او في تغير اللوك ونوعية الملابس

وبالنسبة للباسها اذا انت شايفو مش انيق فيك تشتري شي على ذوقك وتقدملها ياه هدية او تروح معها السوق وتعطي رأيك
اما اذا اشترت زوجتك ثياب من زارا او اتش اند ام هيدا مش عيب ولا بقلل من قيمتها وقدرها بالنهاية هيي انسان بتلبس الشي اللي بريحها
والناس اذواق يا اخي ممكن اللي انا شوفو شيك وانيق يشوفو غيري عادي

وفي نقطة اخي قلت انها بتحب تعيش متل الناس العادية وين الخطأ بذلك
بالنهاية كلنا ربنا خلقنا ورح نموت نفس الموتة وما حدا بياخد معو الا. اعماله الصالحة وسمعته الطيبة وتواضعه بين الناس

ما بعرف اخي حتى بالنسبة للشغالات في نساء كتير بترفضهن وكمان في رجال بيرفضوهن
وبترجع حسب حاجة الشخص لهم
بالنسبة الي بشوف زوجتك امرأة مميزة بتحب تعيش الحياة ببساطتها وممكن هالشي بيسعدها

في ناس اوقات الترفه والمظاهر بيخنقهن وفي ناس بتعشق تعيش حياة الراحة

كل شخص عندو قناعة بالحياة بتختلف عن التاني

ما تدقق كتير على هيك امور
عيش حياتك واستمتع فيها
موفق اخي

احترامي