اسمحيلي لجونه أتدخل
اقتباس:
المشاركة الأصلية كتبت بواسطة #ملكة القلوب#
مب راده بكلمتي ولا بطلب منه يحضر واذا اذا فكرت واقتنعت عشان غلا بطرش له مسج وبقول له احضر عشان اليهال واذا استخفيت بدمك وحاولت تجي صوبي او حتى ترمس وياي والله بطردك جدامهم
يا شوك هو مب معمي القلب فيني
لو ما يحبك لجونه ما كان خاف عليكي وانتو بالمستشفى امس . .. مرات أمرض ويشوفني أقيس الكسري ما يكلف خاطره يسألني كم طلعت القراءة وللا كيف حالك .. لما الرجل يهتم بزوجته ويحاتيها يكون يحبها ..انا هذا اللي أعرفه .
هو لحين جيه طيب ويحاول يكون هادي بس لغاية ما ارضى على زواجه من هذه
كونك توافقي على زواجه أو لا ما أعرف اذا له أهميه . هو تزوج وخلص
وأهله واخوانك ما ظلوا معترضين للاخر ..
وبعدين بيرد لطبعه خلاص انا عرفته
تذكري لجون لما كنتي تبذلي جهدك وتتغيري وهو ما يحس بالتغيير أو ما يشوفه شي ... ما تحسي أنك بكلامك هذا ظلمتيه مثل ما ظلمك ومب شايفه تغييره ؟ شو يجبره يكون طيب معاج ويحاول يحتوي زعلك على زواجته ويتحمل عقابك له
تصدقين بالله زعلان عليها لاني طلبت منه يطلقني او يطلقها ويقول مسكينه
قلت هذه مب مسكينه مثلها مثل الي قبلها بس لحين تسوي عمرها طيبه
|
هو يشوفها تتحمل غيابه عنها وانه ما سافر معها أول زواجهم وثالث يوم كان عندك وتتحمل يمكن حاجات أكثر منه ...
ما يعرف انه هي هيك هي تقدر تكسبه وتخليه يحبها ... وأتوقع هي عارفه شو قاعدة تسوي ... وأي زوجة ثانية ينصحوها انها تتحمل زوجها مهما ظلمها في البداية الى أن تتمكن من قلبه .
انتي تحسي أنك تنازلتي وانك ذليتي نفسك لما سكتي له وتفكري انه تصرفك هذا غلط ... لكن صدقيني هذا هو اللي خلا لج رصيد عنده وخلاه يتمسك فيكي أكثر
لو تتذكري أسلوبك معاه الشهر اللي قبل ما يتزوج .. وكم سامحتي وكم تحملتي ... والكل لاحظ لجون الجديدة حتى عمج قال لج معدنك ذهب يا لجون ... لجون الجديدة هذي هي اللي خلت زوجك يتمسك فيكي ويتحمل ويسامح . ويمكن لو كان شافها قبل ما يخطب ما كان خطب ولا تزوج .
صدقيني الرجل لما يظلم زوجته يندم ويحن قلبه عليها ويحاول يعوضها بعدين . وراح يظل يحاول الى أن ينقطع نفسه ويشوف انه مافي فايدة ومهما سوا ما راح تسامحه ساعتها بيتغير وتصير هي تحاول تصلح وممكن ساعتها تتنازل عن حاجات كانت كسبتها من قبل .
خايفه عليكي يا لجونه تخسري حقوقك اللي اخوانك أخذوا منه عهد عليها اذا ما ثبتيها ونفذتيها على أرض الواقع ....
صح انتي قلتي لي أنك ما تقدري تنفذيها لأنه تنفيذها معناه انك لازم تعطيه حقوقه وتكوني سلمتي بأمر زواجه ... وسؤالي الحين لج وانتي اللي تقدري تعرفي مب أنا ... هل تستاهل هذي الشروط أنك تتنازلي له وتعطيه حقوقه وللا ما تستاهل وزواجته عليكي أهم عندك ؟
يمكن أكون غلطانه ولا زال معنا وقت كثير ...