السلام عليكم ورحمة الله وبركاته
رجعت لكم من جديد لان مالي من بعد رب العالميين الا انتو
حبيت افضفض واطلع اللي في قلبي ويكفيني منكم دعوه بظهر الغيب من قلوبكم النقيه الطاهره
انا مازلت في بيت اهلي معلقه ولكن وصلت لمرحلة الاكتاءاب واليأس من كل شي حولي وصرت اتمنى الموت يريحني في اقرب فرصه
نفسيتي تعبانه حيييييييييييل واهلي لهم دور في هذا وخاصه الوالده ووحده من اخواتي حيث ان المعامله تغيرت من ناحيتي كثيييييير وكم من مره اسمعهم يتكلمون علي بدون مااقصد اني اتجسس عليهم واعمل حالي كأني ماسمعت اي شي واصبحت محاسبه حتى على فترة جلوسي بغرفتي وساعات نومي واضطر اني اجامل واجلس معهم على حساب نفسي بس لاجل ارضيهم ولا احصل هذا الشي
تغيرت شخصيتي حييييل ووصلت لاقصى درجات الاكتاءاب وهذه المره من اهلي فأنا غير مرتاحه ولا عندي استقلاليه محاسبه حتى نومي وجلستي بغرفتي صرت اتحاشى اني ارد على اي كلمه جارحه وخاصه من اختي لان معروف عنها العصبيه ولسانها طويل وماتحترم لاكبير ولاصغير
وحتى عيالي احس انهم غير مرتاحيين وحاسيين فيني اني متضايقه من وضعي بس ساكتيين ما صارحوني بهذا الشي لاجل ما يجرحوني ويضايقوني احسهم كاتميين وساكتيين
اتمنى يكون لي بيت مستقل لحالي اخذ راحتي فيه انا وعيالي او ان الله يقبض روحي وارتاح لاني تعبت تعبت ولا ارتحت حتى لما تركته وابتعدت عنه ماارتحت لاني متعوده على بيتي واخذ راحتي فيه وحتى العيال
انا مو متندمه اني تركته بس ميته قهر على البيت اللي خليته له يسرح ويمرح فيه وانا وعيالي براااا
اتمنى انه يموت وانا ارجع بيتي معززه مكرمه انا وعيالي او ان الله ياخذني وارتاح من هالهم اللي انا فيه مالقيت يوم راحه في حياتي
اعذروني على اسلوبي واحس الكلام متلخبط بس الله العالم بالحاله اللي انا فيها
ارجووووووووووكم لاتنسوني من الدعاء لي ولعيالي في هذا اليوم الفضيل فانا والله في اشد الحاجه لدعواتكم

__________________