اخواني فيهم نفس طبعي ..

لو شافوني فعليا انفصلت عنه .. راح يراعوني كثير
و يراعوا مشاعري ..

كانوا عشان كذا يوقفوا مع اخواتي ضدي
لأنهم كانوا يشوفوا اني محظوظة ..
موظفة و شهادة و زوجها يدلعها و يحبها و زمان امي كانت دايم تمدحني قدام الكل
و بينما اخواتي كانوا يبانوا قدام اخواني انهم غلابة ..

بس بعد الفضايح الاخيرة الي اكتشفوها عن زوجي و المحكمة
خلاص عرفوا أختهم ايش كانت مستحملة و ساكتة
و لما بعدت عن اخواتي و كلامي صار قليل جدا ..
ما صار فيه شي ممكن ينقال على لساني و يسبب لي مشاكل مع احد ..

فاتمنى انهم يكونوا عون لي بعد الله ..
و اولادي بداوا يعتمدوا على حالهم افضل من قبل ..
عالاقل لو خليتهم في حضانة اقدر اتطمن و ما اشيل هم ..

انا بصراحة ماشفت واحد مثل ابوهم ..
ماني قادرة أحلل مخه و تركيبة دماغه و تفكيره !
كل شي متوفر له

.
.

يبغاني اتركه في حاله ..

يبغى يعيش عزوبي .......... و يراهق و انا ابلع و اسكت
هذا هو المطلوب

يبغى يتوظف و يجمع راتبه و يسافر مع أصحابه و انا ابلع و اسكت

ليه !
ناقصني عقل و لا رجل و لا عين !؟
اسم متزوجة فقط ..

حتى مشاويري انا اعملها بنفسي و حتى اساتذة ولدي انا أتفاهم معاهم ..