رد : طليقي متردد في ارجاعي (مستجدات الرد 106)
السلام عليكم ورحمة الله وبركاته
اولا حمدا لله على سلامتك وبارك الله لك في بنتك ورزقك صلاحها وبرها
يا اختي لا تلومين نفسك ابدا .. سويتي اللي عليك وزيادة
تواصلتي معاه واعتذرتي ووسطتي عمك .. وبعدين ؟
هو بادر بخطوة وحدة عشان يصلح شي؟
كل لومه انك انتِ السبب إسقاطات منه لانه فشل في الاحتفاظ بك
يقول ماريحتيني واسعدتيني !!
ما راعى وقدر انك تعبانة من الحمل والوحام.. اذا الله عز وجل يعذرنا ويعفينا من الصلاة والصيام
اثناء العذر الشرعي .. وقال عن الحمل وهن على وهن من التعب والتغيرات الهرمونية والمزاجية اللي تصيب الانثى
ومعروف جدا ان أول سنوات الزواج فيها اختلافات كثيرة بين الزوجين وما يتأقلمون مع بعض بسهولة
من سنة يطلق عشان أسباب تاافهة !
معقولة احد ربي يرزقة ببنت أول فرحته بالابناء وما يجي يزورها ويشوفها عشان ايش ؟توبيك؟
وليه مايبغى يدفع النفقة ؟ قلتي في كلامك ما راح يقدر يشوفها الا اذا دفع النفقة
طلب يشوف البنت و انتوا وصلتوا له هذا الكلام وقاللكم روحوا المحكمة؟
هل هو يطلب اعتذار من ابوك وأخوك على الكلام اللي في التوبيكات؟
انا مع رأي الاغلبية لا تشيلين البلك ولا تحطين صورة البنت ابدا
لو يبغى يشوفها يدل بيتكم .. او حتى يكلم عمك ..
المهم انك تهتمين بنفسك حبيبتي وببنتك .. وثقي ان الطلاق قدر مثل ماهو الزواج قدر
واقدار الله كلها خير .. لا تعلقين أملك ببشر ابدا استعيني بالله والجأي له وبتشوفين كل خير
دعواتي لك بالسكينة وان الله يجبر خاطرك ويعوضك خير
__________________
ما يكتبه الله لنا ألطف مما نُحب ..وأعظم مما نطلب ..وألطف مما نشاء ..
[IMG]http://im67.***********/mg87DX.gif[/IMG]
