رد : كوفي شوب الصبايا 2 ( المشاركة للنساء فقط
من بعد ماكنت أضعف وحدة في محيطي .. قاعدة أصير أمتن وحدة ..
وكنت متقبلة الموضوع لحد مازوجي عملها ..
قريب بيصير أضعف مني .. بعدين بستحي أمشي معاه ..
أنا أصلا لما أشوف وحدة متينة وزوجها ضعيف ينكسر خاطري عليهم ..
أحس هي كارهة عمرها وهو زعلان على حظه هههه ..
هم دكتورين شاطرين جدا في هذا المجال ..
على فكرة العملية صارت سهلة جدا لأن الكل صار يسويها ..
في كل بيت تلاقين أحد مسويها ..
ويوميا الدكتور يجري 5 او 6 منها ..
خلاص مجتمعنا قاعد يودع البدانة ..
مافيه إلا أنا مربربة وقاعدة .. أهئ أهئ ..
اشوف صوري قبل وأبكي ههههه ..
أنا في حملي الأخير في الشهر التاسع كان وزني 73 ..
والحين بدون حمل وزني 78 .. آآآه بمووت ..
وحاسة إني بزيد أكثر وأكثر ..
بعدها العملية بتصير أخطر ..
والدكتور بيتعب أكثر وهو يجريها ..
ونزول الوزن بيصير أبطأ ..
والترهلات بعد ماينزل وزني بتصير أكثر ..
ليش انتظر اوصل لهالمرحلة ؟؟
فهموني أهئ أهئ .. هاليومين حالتي النفسية سيئة من هالموضوع ..
وأنا لما أزعل آكل أكثر ههههههههههه .. شر البلية مايضحك .. 