عزيزتي روح بعرف انك قدمتي وضحيتي وبالاخر انتي اللي تعبتي

وزوجك وعدك وقبل يكون الصك بإيدك
هل شفتي شي عليه مع اثبات ودليل او فقط ظنون او احساس انو ما اتغير

في حال اثبتي شي عليه بيكون هوي جنا على نفسو وضيع الفرصة الوحيدة اللي بقيت
اما اذا مجرد شكوك ما فينا نتهم الرجل انو بعدو متل قبل وربنا وحده بيعرف بنوياه
وخاصة بموضوع سابق ذكرتي انو صار يساعدك بالاطفال لوقت معين ويقوم بخدمتهن ويحاول يثبتلك انو اتغير او عم يتغير
اما بحالتك وحالة البعثة لازم تبدئي بنفسك انك تفكري ببعثتك ووظيفتك واطفالك واذا وجوده بحققلك مكاسب و بيفيد هالاشيا خليه موجود بس بحدود وانتي حطي هالحدود اعتبريه صديق اضهروا مع الاولاد خليه يشاركك فيهن وحياة زوجية منفصلة بس بنفس
البيت موجود ولكل شخص حياته
بيكون وجوده لتحقيق اهدافك ومصالحك وانتي الوحيدة المستفيدة من هالشي هيدي في حالة انو ما اتغير وخلف بوعوده
ومن ناحية بدك تنسيه هيدا الشي الصعب يعني بدك تقتلعي الجذور لتخلصي من هالاحساس وهالشي بدو وقت وبعد معاناة
فكري بعقلك وانتي الكسبانة
اما اذا بقيتي تفكري بقلبك رح تتعبي كتير وتدمري نفسيتك وصحتك حبيبتي
برأي خليه واجهة اجتماعية وعيشي حياتك بالطول والعرض
واعتبريه مجرد رقم فقط
اما في حال كان متغير وما طالع بإيدو شي يعملو هون اختلف الوضع كليا
اسأل الله ان ينير بصيرتك ويبدل حياتك الى احسن حال ويرزقك السعادة من حيث لا تحتسبين
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه