منتدى عالم الأسرة والمجتمع - عرض مشاركة واحدة

09-03-2015, 09:35 PM

ندى_1406

عضو المنتدى الفخري

تاريخ التسجيل: Jul 2004

المشاركات: 5,618

طريقة عمل الملفوف المحشي

السلام عليكم ورحمة الله وبركاته

اليوم جبت لكم طريقة الملفوف المحشي (الكرنب) بعد محاولات كانت تبوء بالفشل
والحمدلله نجحت بمعونة الغالية سقيا الله يعطيها العافية

ملحوظة:

حطيت الملفوفه بالفريزر قبلها بيومين وطلعتها بالليل لين ذابت وفكفكت الاوراق وسلقتهم ربع ساعه مع كمون
(الهدف سهولة فكفكة الاوراق وتسهيل السلق)

نبدا الطريقة مع الصور

1/ فرمت بصلتين مع ثلاث فصوص ثوم وحشيتهم فوق النار مع شوية زيت لين بدا يشقر لونه وأضفت حبتين طماط الحجم الكبير معصورة بالخلاط مع نص كوب ماي ومعجون طماطم علشان اللون يصير احممر وخليتهم على النار لين بدا يتسبك ويقل منسوب الماء وحطيت بهارات ونص حبه ماجي وملح
(طبعا الكل يحط فلفل اخضر مثل ماقالت سقيا بس احنا مانحب الاكل يكون فيه حرارة ) والي يحب يخلطه مع الطماطم

2/ بعد ماقطعت حزمة بقدونس ونص حزمة كزبرة وحزمة صغيرة شبت حطيتها فوق الخلطة مع كاستين رز سنوايت (مصري) بعد غسله
وعصرة نص ليمونه وملعقتين كبار زيت زيتون
(طبعا نطعم الحشوة اذا ناقصة ملح او بهار نزيدها )

3/ نبدا نلف مثل ماهو واضح بالصورة

4/ نرص بقايا الملفوف وطماطم شرائح في القدر وفوقها الدجاج بعد تنظيفه ونزع الجلد منه

5/ نرص حبات الملفوف ونغمره بالماء مع معجون طماطم وشوي ملح وعصرة ليمون

6/ نغطي القدر بغطاء صغير علشان ماتنفرد حبات الملفوف وبعدها الغطاء حق القدر ونخليه على النار 45 دقيقة وعلى حسب سماكة الملفوف انا أخذ معاي ساعه وربع على نار هادية

وبعدها بالعافية علينا وعليكم

وأن شاء الله يحوز على أعجابكم ورضاكم وأتمنى تجربوه لانه فعلا طلع لذيذ جدااااا

المعذرة ماصورت أول ماحطيته بالصحن لانه زوجي كان مستعجل خليته لما بدا يشبع

__________________

هل تتعرضين للأبتزاز ؟؟ أدخلي هنا

مفضلة المتزوجين 2011-2014

مفضلة المقبلين على الزواج 2014

.