رد : كوفي شوب الصبايا 2 ( المشاركة للنساء فقط
اقتباس:
المشاركة الأصلية كتبت بواسطة معلـمـہ مغتربـہ
اسعفيني بالطريقة باينته لذيذ 😍
بسرعه قبل كوين تبدا الموضوع يمديني اطبق 😍
أم سلطاااان انا زايده عن وزني قبل الوظيفه ب8 كيلو 😂
كللللله من فطور المدرسه 😡
بس تحولت من النحف للطبيعي وهاه هاه خايفه من اللي بعد الطبيعي
|
مصيبة الموظفات لما يجتمعن على الأكل. 
أول ما اشتغلت زمان كنت البنوتة الوحيدة في الإدارة .. كان عمري 19 وكانت معاي حرمتين كبار في السن .... يعني تقدرين تقولين ما كان في شي مشترك يجمعنا .. وطبيعة عملي ما كانت تسمح لي أترك مكتبي لفترة طويلة .. فما كان في مجال لحكاية الفطور.
بعدها بكم سنة توظفت بنت معاي .. وصرنا لما نبغي نتريق نطلب سندويشات جبن من الكفتيريا .. ناكلها بسرعة لأن مكتبنا كان مشاع للموظفين والمراجعين.
بعدها بكم سنة انتقلت لإدارة أخرى معظمها بنات .. ومعظمهن من سني .. ومعاهن عرفت لأول مرة معنى الفطور الجماعي في الدوام. .. أذكر وحدة منهن كانت سورية الله يذكرها بالخير .. كانت تعمل المكدوس وتييبه للبنات ياكلونه مع الفطور .. ومرات تييب لهن لبنة وزيتون .. أو أي شي تكون عاملته في البيت ... بس ما طوّلت معاهن لأني تزوجت وانتقلت لإمارة أخرى.
__________________
اللهم طِيبَ الأثر .. وحُسْنَ الرحيل.