رد : كوفي شوب الصبايا 2 ( المشاركة للنساء فقط
اقتباس:
المشاركة الأصلية كتبت بواسطة همس الحياة
يسعدك ربي يامهرة الا انا ام جوجو بشحمها ولحمها
بس الله يهديك ياكثر قرقرتي في المنتدي سابقا فما قدرت افتكر كلمة السر😉
|
يا ربي شكثر أستانس لما القدماء يرجعون. 
يا ستي هي مب كلمة سر بالضبط .... هو موقف لازلت أذكره لحد اليوم وأشكرج بيني وبين نفسي عليه لأنج أول وحدة نبهتيني عليه.
أيام حملي الثاني كان خاطري في بنت .. وفي نفس الوقت كنت أستحي من ربي إني أدعي وأطلب جنس معين .. وكنت أقول عيب أتشرط على الله .. والوحدة تطلب العافية والسلامة وتحمد ربها على أي شي.
ييتي إنتي وقلتي لي: عادي ادعي باللي تبين وربج كريم ما بيردج.
وسبحان الله لزمت الاستغفار وقتها ودعيت ربي من خاطري إنه يرزقني ببنت ..... والحمدلله استجاب لدعائي ورزقني ما تمنيت .. ويبت مهرة.
ولما حملت حملي الأخير كنت أستغفر وادعي الله يرزقني ببنت .. وكل مرة أتذكرج وأتذكر كلامج .. والحمدلله بعد رزقني باللي تمنيته .. ويت شما.
حمدلله على سلامتج فديتج 
__________________
اللهم طِيبَ الأثر .. وحُسْنَ الرحيل.