السلام عليكم
اخي ابوحكيم
مشكلتي تكمن في ان زوجي نسونجي ولعوب ووللاسف كل سنتين يتزوج واحنا الان على ذمته اربعه نساء وغير كذا يتزوج مسيار ويطلق بعد فتره قصيره وتعامله معي جيد نوعا ما ماعرف شي عن اهله يعني ما اجيهم ولا يجوني عشان لايريد مشاكل ولا القيل والقال وانت وضعت في بيتك الثاني كذا وكذا كانوا متواصلين معي اولاده الكبار والان قطعوا ولو عنده زواجه جديده يختفي ويقفل جواله ولا نعرف اين مكانه الا بعد فتره عديم المسؤوليه ولا يهتم بالاسره عندي شقه لحالي ولي طفل ولد واحد انجبته وكل وحده من زوجاته لها شقه لحالها وبحي بعيد عن الاخرى وانا رقم ثلاثه بين نسائه هو متظاهر بالالتزام ولحيه ومقصر ثوبه مطوع يعني ولكن داخليا زير نساء غير كذا مقصر بالصلاه ومرات لا يغتسل من الجنابه طبعا ابلغت اهلي بالموضوع فقط ليعرفون معدنه ولا استطيع طلب الطلاق دامه مو مقصر بالواجبات الاسريه ويأجر البيت هذا الكلام اهلي وانا لا استطيع طلب الطلاق لان اهلي لن يتعاطفون معي بما انه مايقصر بواجباته الزوجيه بس ممكن يطلقني في اي وقت ومتى ما اراد وانا لست خايئفه من الطلاق بل بالعكس بيكون يوم ميلاد لي وحياه جديده ونظيفه بس ماكنت ارغب انه انا من يبدأ بها اروح لاهلي بمدينه اخرى كل ماسافر واجلس تقريبا شهر وارجع حيرتي الان هل استمر بموانع الحمل واكتفي بولدي ام انجب منه طفل اخر مع العلم انني انا من تحملت كافه امور المولود التطعيم ولو مرض احيانا اروح مشي للمستوصف لانه طبعا غير مسؤول ولا مهتم ولو طلبته يكون ببيته الثاني او مقفل الجوال يعني انا اللي بتحمل المسؤوليه لوحدي لثاني مره من حولي يقولون لي انتبهي تنجبين اخر كفايه واحد ولو جا اليوم اللي طلقك فيه يكون واحد معك يالله يالله تربيه وانا عاطفه الامومه احيانا تغلبني واحلم بأن تكون اسرتي مستقره بطفلين على الاقل واحيان اقول هذا الحلم ليس من حقي فزوجي ليس لي لوحدي وممكن يتركني بأي لحظه والافضل ان يبقى معي طفل واحد واتحمل مسؤوليته مارأيك هل تنصحني بالانجاب في ظل هذه الظروف عمري 34 وزوجي 44 واعذرني على الاطاله





تم تعديل العنوان ليتناسب مع المضمون

__________________
حسبي الله لا اله الا هو عليه توكلت وهو رب العرش العظيم