رد : كوفي شوب الصبايا 2 ( المشاركة للنساء فقط
ماشاء الله تبارك الله الف مبروك زواج بنتك والف مبروك الصغيرونه. والله يحفظهم لك ويخليهم يارب وزين الحمدلله انجزتي شئ مفيد بفترة غيابك
الله يسعدك ويوفقك يارب تستاهلين كل خير يالغالية
الحمدلله انا وعيالي بخير ابشرك ولدي الكبير الحين يدرس ثاني ثانوي واللي بعده يدرس اول ثانوي واللي بعده يدرس سادس ابتدائي والبنت اللي بعده تدرس ثالث ابتدائي واللي عقبها توني سجلتها بالمدرسه وابشرك انا بعد حملت بعد 6سنوات الله رزقني بنت سميتها نوره وعمرها الحين 5 شهور عاد تدرين نسيت كل شئ عن الخلفة والعناية بالمولود حتى الحمل كان متعب والولادة اشد واتعب والحمدلله الله يسرها وتسهلت ورجعت ادرس انتساب منازل بخلص المتوسطة ان شاء الله واروح لثانوي طبعا ماينفع معاها إلا انتظام رغم البيت والعيال والصغيرة كلها مسؤليات بس ربنا يسهلها ويفرجها ابوهم تقاعد هالسنة وفرحت بتقاعده قلت اجل اجلس عند عيالك وانا بشوف حالي ضحيت كثير علشانك انت وعيالك الحين جاء دوري بالحياة انا بواصل تعليمي وانت ساعدني بالعيال والله ماقصر الله يجزاه خير كانت السنة هاذي اختباراتي بعد ولادتي بشهرين وبنتي صغيرة عمرها شهرين وتعرفين الصغير يحتاج رعاية بالذات الرضيع عاد والله ماقصر اهتم بالبنت وقام برعايتها الين خلصت اختباراتي والحمدلله انه متعاون معاي الله يجزاه خير وهاذي كل علومنا واخبارنا يالغالية واسأل الله التوفيق لنا ولكم ولجميع المسلمين يارب .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله