السلام عليكم
لا زالت طليقتي مستمره بالاستفزاز ومحاولة لفت الأنظار، طليقتي كانت مسافره مع اَهلها وهذي تقريبا ثالث او رابع مره من بعد الطلاق. اخر عودتين لها الاولاد طلبوا مني اوديهم المطار علشان يستقبلون امهم ولكن بالمره الاخيره عصبت عل اليهال اب شكل مو طبيعي ولما كلمتها قالت " انت تبي تحرجني مع الاولاد " صراحه انفجرت عليها بعد هالكلام ووقلت لها الشره عليي أحث الاولاد يتصلون علييج ولما طلبوا يستقبلونج جبتهم المطار. خلاص انا ما راح أتدخل بتاتا. سفرتها الاخيره فعلا شلت أيدي تماما لا حث عل اتصال ولا استقبال بالمطار. الي اختلف هالمره ان واهي رايحه المطار للعوده للديره اتصلت عل الاولاد واهي راكبه الطياره اتصلت ولما وصلت اتصلت وللعلم ولا مره عملت هالأشياء في كل السفرات السابقه. اتوقع كانت تبي اتجس نبض اذا الاولاد راح يجوون المطار ولا لا. ك انه نوع من الاختبار لي لأَنِّي طنشت.
امس بعثت احد الوسائط علشان يبلغني عن شغله خبرتني فيها من قبل وللعلم انا منعت هالوسيط ينقلي كلامها وقلتله يقولها اذا في شي اتبلغ الولد الكبير لكن عاندت ورجعت وكلمت الوسيط مره ثانيه علشان يبلغني عن شغلات تافهه. واضح هالعناد والاستفزاز علشان انا امطنشها وقلتها خلاص دام مافي رجعه وانتي مرتاحه. ابتعدي عني خصوصا ان المحكمه عطتها حقوقها الماديه وحتى الولايه التعليمية الاولاد. صراحه بديت اتنرفز حييل