اختي ام سعود

الرجال ما يمشي كذا ..
يعني تبغيه يوديكي السوق ، ويفرفر معك ، انتي تختاري المحل وهو وراكي ، ويمسك الولد ولا ينشغل بجواله..
اذا ما وداكي السوق زعلتي ، وان مشي قدامك زعلتي ، وان دخل محل يشوف كراسي الاطفال دخلتي محل الملابس ومطلوب منه يكون معك بدل ما تكوني معه ، وان جلس قلتي خذ الولد عشان ما يتهنى..
وان رجعك البيت زعلتي ..
طيب ايش تبغي انتي بالضبط؟

هدي نفسك شوية ، واضح انك انفعالية ، وما يهمك الا تحقيق رغبتك.. حاولي تاخذي شي وتتنازلي عن شي عشان تمشي الامور..

ثانياً ، احس انك داخلة هنا تفرغي شحنة الغضب اللي بداخلك ، مو تدوري حل .. والدليل ردودك كلها كأنها موجهه له وليس للأعضاء ..

استوقفتني كلمة انك عارفة مخه كيف يشتغل .. وانه مو ذكي "تلميح" ، وانك كاشفته ..
طيب حلو مادام انك حافظته وكاشفته وعارفة مخه كيف يشتغل وهو ليس بذلك الذكاء ، وايضاً ليس صعباً كما اوضحتي ..

اذن اين المشكلة؟ وليش ما قدرتي تتعاملي معاه؟ وايش استفدتي من معرفتك لمخه كيف شغال اذا ما عرفتي تتعاملي معاه؟..
ولا تبغي تعجنيه بكيفك؟

اختي الغالية نصيحتي لك:
خففي حدة انفعالك ..
لا تنظري للأمور بسطحية ..
زوجك يهرب منك مؤقتاً لأصحابه والاستراحة ، لاتزودي العيار فسوف يهرب للأبد ..
الدنيا اخذ وعطاء ، خذي بالمعقول واعطي على قدر ما تسطعين ولا تطلبي المستحيل ، ولا تحاولي اجبار زوجك على ما لا يرغب فيه .. ركزي على ايجابياته ، وعلى انه شايل بيته.. لا تفتعلي المشاكل ، ولا تحاولي فرض ما تريدين بالقوة وبالحدة والندية ، فالرجل حتماً لن يستجيب ولن تستفيدي شيئاً سوى زيادة ارباح الصيدليات بتعاطي ادوية الضغط والسكر ..

راجعي نفسك ملياً ..
وكلامي لك ليس ان زوجك ليس على خطأ او انه منزه ، ولكنك من طلب المشورة وانا اقدمها لكي انتي وليس له لأني لا استطيع الوصول اليه ..

يسر الله امرك..
ودمتي بود