بونجور يا ملكات
على سيرة المفطح قلت خليني اعملو سلطة خس النعجة او خس الخروف
هههههه ما حدا يضحك ما انا اخترعت الاسم فتت لعند العم جوجل بدي ترجملكن اسم نوع السلطة واذ اتفاجأ بخس النعجة او الخروف
المهم بنجي للجد هيدي السلطة نهار الاحد اكلتها بالماكدونالدز
فعملتها بالبيت نفس الشي لا زيادة ونقصان
استعملت :
نيسلي سلاط اي خس النعجة
تفاح مقطع
بزر اليقطين
جبنة شرحات والافضل تكون كرويير او ايمينتال او قشقوان
متل ما شايفين بالصورة المكونات قليلة وتحضيرها سهل وسريع
والاهم الطعمة لذيذة
استعمال الصوص اختياري
انا عملت بالبيت الصوص الفرنسي
استعملت:
2ملعقة طعام مايونيز
ملعقة صغيرة ملح
ربع كوب خل
عصير حامض ونص
ربع كوب زيت
نصف ملعقة صغيرة ثوم بودرة
نصف ملعقة صغيرة بصل بودرة
كرافس
رشة بهار اسود
نصف كوب حليب او كريم طازج او لبن
والافضل ملعقة لبن مع نصف كوب كريم طازج
بنحط كل المكونات بقنينية وبنرجها منيح لنحصل على الكثافة للصوص متل اللي بنشتريها من السوق
وصحا وهنا يا اميرات