المشاركة الأصلية كتبت بواسطة Abdullah30

تتألم، محيطه، متخبطه، متذبذبه....الخ
اتفق معاج يا اختي وانا ما طلبت الرجوع الحين. الموضوع محتاج استشاري لان واضح ان مشاكلها مع اَهلها ما راح اتخلص. حتى بعد مبادرتي الاخيره لما كلمت اختها الكبيره علشان توقف معاها تبين لي فتره بسيطه رجع الخلاف. حسب كلام اختها ان طليقتي عل اقل نقاش تقطع شهر وشهرين والتفاهم معاها صعب جدا وعناد وامقفله على الآخر الأخت كبيره عندها زوجها وعيالها تبي اتجابلهم اكيد

لا راضيه اتروح العمره ولا راضيه اتروح للاستشاري نفسي.

المشكله شائكة مع اَهلها وواضح ان اَهلها مو قادرين يحلون الإشكال وزهقوا وخلوها وهالشي ذابحها اكيد

انا ابي اختصر خلافها مع اَهلها في نقاط
- قبل طلاقنا زوجتي كانت مضطربه وعصبيه بسبب زوجة ابوها الي كانت عامله حاجز بينها وبين ابوها
- بعد الطلاق ابو طليقتي رفض استقبال طليقتي مع الاولاد في بيته وحاليا طليقتي عايشه في بيت عمها. هالشي دمرها بشكل كبير اتوقع
- بعدها ابتدى الصراع بين طليقتي ك طرف و ابوها و زوجته ك طرف ثاني. البيت دورين 600 متر والأب يقول البيت ما يكفي وللعلم البيت حاليا ساكنين فيه الأب وزوجته والأخت الصغيره. حسب تحليلي هذا الشي الي دمر طليقتي ولا تنسون ان ابوها دفع اب قوه للطلاق من الأيام الاولى بعدها عل طول قالها البيت ما يكفي. هالشي كلش مو سهل في رأيي
- اتوقع طليقتي تتألم لانها عملت مقارنه بيني وبين اَهلها. انا حاولت وحاولت وكنت خايف عليها عكس اَهلها الي طنشوها حسب علمي
- اذكر مره من المرات قالتلي " اذا صار فيني شي مو زين خل يروحون يقولون لأبوي " ك انها تبي تنتقم منه بعد الي صار وإحراجها امام الجميع
- الغريبه بالموضوع ان اخت طليقتي قالت نفس الكلام " ان البيت ما يكفي ". انصدمت صراحه