اقتباس:
المشاركة الأصلية كتبت بواسطة فرح تايه ~
جدتي ربت ولد خالي لأنه أمه وأبوه انفصلوا بعد ولادته بكم شهر، وهي أجنبية راحت بلدها وسابته لأبوه، ولما رجع خالي لزوجته الأولى وعياله جدتي نفس حالة أمـك رفضت يعيش الولد مع أحد غيرها وخالي وافق بس ماكان مقصر أبد معاه بالعكس مدللـه أكثر من عياله اللي في بيته، والحين هذا هو رجال طول بعرض في سنة الإمتياز وخالاتي يقولون له ماتبغى تشوف أمك وتدور عليها أبـد يرفض يقول ماعندي غير أم وحدة هي اللي ربتني سبحان الله أثمر فيه تعبها والكل يشهد إنها كانت حريصة عليه أكثر حتى من عيالها وش أكثر من إنها لا أحد أخذه بيمشيه معاهم ماتنام إلا لا جاء وتطمنت عليه ..! الحريم الكبار لهم نظر والله عيشته عند جدته أرحم، إذا كانت أمك حنونة عليه ورحيمة فيه فالحمدلله هاذي نعمة إن شاءالله ولدك بأمان ترى ما أعز من الولد إلا ولد الولد إنت بس خلك كريم معاه ماديا واللي ينجاب لأخوانه ينجاب له، ولما يكبر شوووي على الـ 12 سنة فهمه إنه ودك يعيش معاك بس جدته من حبها له وغلاته وخوفها عليه ماتبيه يروح عنها عشان يستوعب هو ليش في بيت الجدة مو عندك، خالي مازال يقول لولده كل مانويت أخذك أمي منعتني وتحلفت فيني ! ترى إحنا كلنا كنا ندري إنه عايش عند جدتي رغبة وحرصا منها مو إهمالا وتقصيرا من خالي وإنت بعد خلي الكل يعرف عن هالنقطة ، وولدنا الحمدلله مبسوووط ومافيه غير العافية وجدتي يناديها يمه ومرت أبوه خالتي وعلاقته بأخوانه طبيعية .. وهاذي هي جدتي الله يطول بعمرها شادة حيلها تبغى له عروووس .. متحمسة الضعيفة جعلني ما أبكيها من زمان ما عاشت دور أم العريس 😃😂
معليش على الإطالة؛ بس حبيت أقولك هالقصة لأنها مشابهة لوضع إبنك مع إختلاف الفصول ..
أهم شيء زوره بإستمرار، وكون كريم معنويا وماديا معاه، وإذا طلعتوا ولا سافرتوا خذوه معاكم واحلف لأمك إنك بترجعه لها 😊 ولا تدخل عليه إلا بالأشياء اللي يحبها، إذا أخوانه دخلتوهم بمدارس خاصة هو بعد لازم نفسهم يعني أهم شيء العدل حتى وإن كان بعيد عشان تبري ذمتك أمام الله ( اللي أقصده لا تعطي اللي عندك إمتيازات خاصة وهو لا )، تابعه دراسيا لما يدخل المدرسة ... الخ ومن هالأمور .. وبالأخير ماتدري مالأيام صانعة .. الله يحفظه وين ماكان ويلين قلب أمك إن كان وجوده معاك أخير له ..
من واقع عشته شخصيا: حضن الجدة أحن حضن بعد الأم .. زوجتك مهما كانت طيبة لكن أمك أطيب وأحن وأرفق وأرأف وأرحم بإبنك منها .
|
من اجمل ماقرأت
كلامك يبرد القلب اسأل الله يحرم وجهك على النار
والله معاك حق فعلاً امي متعلقة فيه لحد جنوني لدرجة ماتسمح المناقشة فيه
حتى في المصاريف ماتسمح لحد يصرف عليه غيرها والفلوس الي اجيبها انا تحوشها له للمستقبل
ان مأستطيع احرمه منه وخصوصاً بعد هالسنين كلها لكن اني اصبحت مالي فيه حق نهائياً وخصوصاً لمل اشوف بناتي الصغار يسألون عنه شي يقطع القلب
مأخفيكِ انه لهم شهور مايلتقون بسبب حرمان امي له انه يجي عندنا او اجيبهم عنده
مانا قادر اتحمل وضع القطيعة هذي بس عجزت القى حل لهالمشكلة واخاف لو تصرفت اي تصرف يرجع ضرره ع الوالده وعلي شخصياً