منتدى عالم الأسرة والمجتمع - عرض مشاركة واحدة - كوفي شوب الصبايا 2 ( المشاركة للنساء فقط )

20-03-2015, 08:11 PM

#3332

مهره

عضو المنتدى الفخري

تاريخ التسجيل: Aug 2003

المشاركات: 17,491

رد : كوفي شوب الصبايا 2 ( المشاركة للنساء فقط

بمناسبة نوم اليهال عند الأهل.

من حوالي ثلاث أسابيع طلبت مني مهرة إني أسمح لها تنام عند عمتها .... مهرة تحب عمتها هذه وايد .. والعمة بعد تحبها وعلاقتهم حلوة مع بعض.

هذاك اليوم كان جمعة .. يعني إجازة .. فوافقت وقلت لها روحي.

قامت البنت وجهزت شنطتها.

حطت بيجامة .. وفرشاة الأسنان والمعجون .. وحبة بامبرز (هيه مهرة لين الحين تنام بالبامبرز

) .. وماي.

طيب ليش الماي يا بنتي؟ .. انتي رايحة صحرا؟؟؟

المهم .. راحت.

عقب حوالي نص ساعة رجعت!

قلت: خير يا ماما شو رجعج؟

قالت: ييت أشوفج. <----- طبعاً ملامحها قمة البؤس.

حضنتها وبستها .... تمت شوي ورجعت لعمتها.

عقبها بشوي رجعت لي مرة ثانية!

قلت: خير يا ماما شو بلاج؟

قالت: ماما أنا أحبج. <----- ولا زال البؤس مستمراً.

قلت لها: وأنا بعد أحبج يا عيون ماما ....... هاا بتروحين عند عمتج والا بتمين؟

قالت: بروح ..... وحضنتني حضن الوداع وراحت.

عقبها بشوي رجعت!

قالت: ماما ممكن ترسمين لي صورتج؟ <---- بؤس البؤس.

قلت: يا ماما أنا ما أعرف أرسمني .. لكن شو رايج تاخذين صورتي؟

تحمست جداً لموضوع الصورة وأخذتها وحطتها في الشنطة.

قلت: يا ماما إذا غيريتي رايج وما تبين تنامين عند عمتج عادي مب مشكلة.

قالت: لا .. باروح .. بس أنا ييت أشوفج ...... وراحت.

عقبها بشوي رجعت مرة ثانية!

قالت: ماما عودة وعمو بعدهم ما نامو .. تعالي يلسي معانا لين وقت النوم.

هني كان الموقف لازم ينتهي .. قلت لها: يا ماما إنتي تبين تنامين عند عمو والا لا؟

قالت: أبا أنام عند عمو .. وبعد أباج!

قلت لها: خلاص نامي هني الحين .. وباجر الصبح روحي قعدي مع عمو كثر ما تبين.

واقتنعت بمنتهى السلاسة ودخلت تنام في سريرها.

__________________

اللهم طِيبَ الأثر .. وحُسْنَ الرحيل.