ااااه يا املي اااااه ..
عيل خليني اقول لج المواقف الثانية اللي صارت اليوم وخلتني بهالنفسية ..
الظهر بناتي كانو في بيت جدتهم .. قلت بفاجئهم بالسينما .. ورحت اونلاين حجزت للفيلم .. بعدين كلمت بنتي وقلت لها العصر جهزوا بمر عليكم وبنروح .. الا تقول لا مابي اروح .. قلت لها ليش ماتبين؟ قالت بس مابي .. ابي اقعد بيت جدتي .. جان تطلع شياطيني واهاوشها واقول لها انا خلاص حجزت التذاكر وبتيين غصبا عنج .. قالت لا مابي ..صرخت عليها وسكرت التلفون في وجهها .. وقلت احسن لا تجي هي الخسرانة ..
بعدين كلمتني وقالت خلاص بروح معاج ..
دخلنا علي الوقت .. ووقفنا فالطابور عشان البوب كورن وكان طابور طويل .. دخلنا القاعة الا اشوه للحين الدعايات .. جلسنا علي مقاعدنا اللي فووق كلش باخر صف.. الا بعد دقيقة تجي وحدة وتقول هذا مكاني .. واكتشف اني لما حجزت اخترت اووول صف .. وعلى بالي هذا الصف الاخير .. قريب جدا جدا من الشاشة .. وكان حزتها بادي فروزن .. ولا شفته .. طلعت ابي اقول لهم يغيرون اماكنا .. ويقول لي ان القاعة فل .. ويراويني شاشته بالفعل مافيه الا مقعد واحد غير محجوز اضطريت ارجع مكاني وفاتني فروزن ..
لما خلص الفيلم وطلعنا كان الشارع زززززحمة غير طبيعية .. والبنات يتهاوشون .. وبدل مانوصل البيت خلاص ساعة الا ربع من الهواش والصراخ .. صار ساعتين الا ربع من الهواش والصراخ ..