منتدى عالم الأسرة والمجتمع - عرض مشاركة واحدة

14-12-2004, 11:38 AM

طرطعينو

عضو جديد

تاريخ التسجيل: Dec 2004

المشاركات: 3

اخي الأجودي

السلام عليكم ورحمة الله وبركاته
اولا ابي اشكرك على موضوعك هذا والذي والله انه في الصميم
الشي الثاني ابي اعطيك قصة لبنت من المعارف طلقها اخوها من زوجها لأنه كان والعياذ بالله مدمن على المخدرات
سألني شخص عزيز علي جدا والله يريد زوجة له تكون الثانية فنصحته بهذه المطلقة لأني كما قلت اعرفها حق المعرفه بسبب احتكاك الوالدة و اخواتي بها
كثيرا
فالحاصل ان الرجل زعل علي كثيرا لأني دليته على مطلقة المهم اني امتصيت غضبه وطلعته عن الموضوع ومن بين الحديث قلت قصة هذه المطلقة ولكن
ما قلت له انها تطلقت وقلت له ان البنت هذي مشهود لها بالخير والصلاح فقال ليه ما يطلقونها اهلها من زوجها الـ ***** و ****** و******(ترا اللي بالنجوم كلام مو زين) لأن الرجل خرج عن طوره من الزعل
بعد ما هدا الرجال قلت له تراني اعرف البنت هذي واذا بغيت اكلم لك اهلها ما عندي مانع ( طبعا عن طريق الوالدة و خواتي ) فالرجال رحب وتحمس للفكرة جدا
وصار يكلمني باليوم من 4 الى 10 مرات باليوم يخاف تروح عليه البنت طبعا ما قلت له انها هي الأولى الا بعد كم من يوم فقلت له خلك مكان البنت او مكان اخوها اللي طلقها من زوجها لأنه خايف عليها منه

صدقوني يا اخوان ان الرجال بكى يوم قلت له من هي هذي البنت

وكانت البنت عندها بنت و ولد من زوجها الأول والحين عندها ولد وبنتين من خوينا هذا

والحمد لله عايشين على افضل حال
وادعو الله لهم التوفيق في الدنيا والآخرة ان شاء الله

وابي اضيف رابط آخر عن المطلقات والله انه اعجبني جدا وهو :
لا أحد يهتم بمشـــــاعرها،، نظرة غير عـــــادلة,, ورؤية ظـــــالمة للمطلقة

وفي النهاية ادعو الله ان يرزقني الزوجة الصالحة ان شاء الله عاجلا غير آجل

لأني مليت من العزوبية
وآآآسف على الإطالة