يا اختي الكريمة حللي الوضع بهدوء وروية وقيمي وضعك الآن وسابقاً

سابقاً : ماكان يصرف عليك بكثرة لأنه ممسك ومشاكلكم كانت كثيرة ووضعكم متعبكم اثنينكم

الآن : مايصرف عليك ابداً لكن البديل وفر لك سبيل للدخل بمبلغ 4 آلاف ريال تصرفي فيه على نفسك وقلت المشاكل بينكم ووضعكم مرتاح والحمدلله

في المستقبل والعلم عند الله : اذا اصريتي وانت بخيل وانت وانت وفلوسي وانا قاعده اصرف على نفسي منها وانت ماتصرف علي حتى البقالة تاخذ مني علشان تجيب لي الخ الخ الخ معاك حق مفروض هو يقوم فيها

لكن لو قرر وراح لأخوه وقال هات فلوس ام فلان ماعاد ابيك تشتغل فيها وجاك وحط بيدك 60 ألف وقال هذا رأس مالك وبصرف عليك على مزاجي واللي ابيه بجيبه واللي ما ابيه ماراح اجيبه ورسوم جامعه ماني مسدد اصلا مابيك تكملين دراسة

ورجعتوا للنقطة سابقاً مع زيادة حساسيات

اذا تدفعين النت ومصروفك الشخصي وملابس لعيالك اقترح عليك

لاتسددين فاتورة النت قولي مابي نت - ملابس عيالك ذكرتي انه يصرف عليهم دون بخل خلاص لاتشترين لهم شئ خليه هو يشتري

وبكذا تكونين بس تصرفين على نفسك وبمبلغ 4 آلاف افضل من انه يرجع فلوسك وماتدرين وين تحطينها ويمكن مايعطيك الا 500 ريال بالشهر

هذا رأيي والله والموفق

معليش سؤال ال 60 ألف من وين جمعتيها من مصروف هو يعطيك أياه ؟؟ ولا وظيفة لك ؟؟