اخوي الوحيد

بداية مشكلتي مع زوجي ..

اول شي عملته و مباشرة ..
رحت لمستشفى خاص معروف عندنا مرررررة و الدكاترة ممتازين ..
رحت عشان مصلحة اولادي ..

و دخلت كلمت الدكتور و قلت له ابغى تحاليل بخصوص جميع الأمراض التناسلية
و منها الإيدز لا سمح الله
و قلت له السبب .. طبعا كنت بحالة نفسية الله العالم بها

دفعت الف ريال اقل شي .. عشان كل التحاليل ..
و يمكن 1600 ماني فاكرة

و أرسلني للمختبر .. و ما أخدوا مسحة و لا يحزنون ..
قال الدكتور راح يكون فيه كشف سريري ..
اذا الوحدة او الواحد لاسمح الله .. عندهم أعراض او شي عالبشرة ..

المهم ..
المختبر لما عرفوا انه تحليل و من ضمنه المرض هذاك ..
طلبوا مني بطاقة الهوية .. و سحبوا مني دم ..

قالوا لي النتيجة تظهر تاني يوم
( ماني فاكرة الصراحة اذا قالوا لي تاني يوم او بعد اسبوع .. بس افتكر كأنه تاني يوم )
حتى الدكتور أعطاني الكرت تبعه و رقمه عيادته و قال النتيجة تظهر له عالكمبيوتر مباشرة
و ممكن اتصل عليه تاني يوم و يعطيني النتيجة من غير ما اروح لهم

المهم دقيت و الحمدلله كله سليم
و قال لي ماعدا وحدة من الأمراض لازم لها اسبوع عشان تطلع النتيجة
و اخدت النتيجة بعد اسبوع و الحمدلله سليم

و معليه قلت تجربتي الي خضتها بنفسي

فماعرف الصراحة ليش زوجتك
كشفتها الطبيبة كشف سريري !؟