أفكر في الأنفصال لأجل الانجاب
بِسْم الله الرحمن الرحيم
السلام عليكم جميعا
شهر فقط واخلص سنتين زواج دون اطفال ..السبب من زوجي لانه صفر
ومن قريب صار معي حكة والتهاب وطلع معي قرحة و الحمدلله دائما
المجتمع اللي احنا فيه متعب وهذي المشكلة الي تأثر علينا بكل طلعه و جيه
اجلس مع الحريم الا يجيك سؤال ما حملتي؟. حامل؟ تعالجتو ؟
ادري البعض ع النيه لكن البعض لقافة و شماته الله يهديهم
حتى مع الأطفال الا يحرجونك .. ماعندك طفل ليش .. وين ولدك
آخرتها اليوم بنت اخت زوجي صغيرة بالابتدائي تقول ما اشتقتي للأطفال
جيبي يا خاله؟. 😔
جبت شغالة من اسبوع تنظف معي البيت .. تسألني مافي بيبي
ليش تأخرتي؟؟ ما تبغي اطفال؟؟ 😥
أهل زوجي عارفين العلة من ولدهم وأحيانا مع السوالف ينسون و يقولون مسكييييينه
فلأنه بنت فلان ماجابت عيال ... مسكينه فلأنه الثانية ما أنجبت وتزوج عليها!!
وإذا انتبهو أني معهم سكتو😭😭ادري ان ماحد كاملة سعادته الا شي ينقصه
بس هالنعمه حلم كل فتاة و طفلة بعد .. عمري35 ومابقي بالعمر !!
كثير احيان أندم ع زواجي والبهدلة الي شفتها .. الله منعم علي موظفه وكنت مرتاحة
والآن تغير وضعي.. الزواج سكن و موده واطفال وحياة طبيعية .. وزوجي طيب وحنون
لكن مريض غالبا الله يشفيه ولا له حيل 🔞 وسبب العقم ضمور الخصيتين وعلى علاجات
من غيرررررر فايده تذكر... الله يعافيه.. اذا ناقشته بأمر الانفصال وانه من حقي لأسباب
يتعب و يصرف الموضوع و يتقرب مني اكثر 💔 احزن عليه و أتراجع واندم وبعدها بفترة
ارجع أفكر بالانفصال .. حياتي معه مو مقتنعه فيها لأسباب هو عارفها
حرمان الأمومة قاسي مؤلم ..اعلم أني على خير والله يصبرني و يقويني ويثبتني للصواب
فضفضه لا اكثر.. 💔 .. انتظر بلسم كلماتكم الطيبة 
تم تغيير العنوان ليتناسب مع المضمون
__________________
ربي لا تذرني فرداً وانت خير الوارثين
التعديل الأخير تم بواسطة حوراء الحسين ; 28-03-2015 الساعة 11:29 PM