رد: طلاقٌ ثانٍ و فرجٌ آخر مستجدات الرد رقم (1
اقتباس:
المشاركة الأصلية كتبت بواسطة متفائله200
الله يعوضك ياأم خالد
بالنسبه لي أكيد الرجل المطلق لأكثر من ثنتين غير صالح بالنسبه لي لاني لن أغامر فربما أكون الثالثه ....
وفي مجتمعنا الكلام فقط ع المرأه ..
|
صدقتي مجتمعنا في أمور الطلاق لا يرحم المرأة غالبا
اما الرجل معذور بدليل لو يتقدم لأجمل بنت ولصاحبة أفضل المواصفات يرحبون فيه
اما المطلقة لازم تكون فيها ميزة عشان يتقدمون لها
مع اني اسمع قصص مطلقات ماشالله حظهم جامد واستغرب
وحدة مطلقة اربع مرات و كل واحد احسن من الثاني و هي عادية جدا
ارزاق ياشيخه سبحانه ربي
الله يسعدك يا قمر و يسهل عليك حملك و ولادتك
اقتباس:
المشاركة الأصلية كتبت بواسطة مبتعثة متفائلة
ام خالد طمنينا عليك
كيف النفسيه والصحه
حبيبتي انتي محظوظه فقد طلقتي بعد معرفه السبب
لن تمري بازمه تانيب الضمير او جلد الذات او الندم او غيره
فانتي مظلومه من كل النواحي
ويابختك دعوتك مجابه عاد اشركيني معك هههه
احبك في الله
شوفي هواياتك ادخلي دوره اي شي
اكتبي فاسلوبك الكتابي رايق لعل وعسى تنشرين يوما ما
اهم شي استغلي هالفتره بشي مفيد
ادري انك قويه وما ينخاف عليك ابد
وهذا الي مريحني من ناحيتك
|
هلا والله
تصدقين افتقدتك وكنت ناوية اكتب اسمك في اعضاء غائبين
ماادري ليه الناس اللي اللي احبهم و اصحاب الردود الحكيمة زيك بدا يقل تواجدهم عن قبل
ابشرك نفسيتي توب الحمدلله
ذكرتيني في وحدة من البنات ارسلت لي رساله كاتبه لا تزعلين ولا يضيق صدرك
بتصل فيك وابغى اسمع صوت ام خالد اللي اعرفه
واتصلت وكنت رايقة مرة الحمدلله 
قالت بسألك انتي أكيد تطلقتي ولا يمزحون علي البنات ؟
يالييل .. يعني لازم اصيح حتى تستوعبين 
انا باردة من هاالناحية جدا
لان نظرتي كانت للزواج مو زي زمان
ويمكن كمان لاني ما حبيته ولا تأملت فيه كثير
ويمكن رحمة من ربي
كله جايز
الزبدة رجعت لروتين حياتي سريعا
خصوصا بعد تواصله الأخير واعترافهم لي
تعاملت مع الموضوع كأني رحت لعزومة ما عجبني الوضع فيها
بكذا ريحت دماغي و تخطيت هالأزمة بسلام
ولله الفضل أولا و آخرا
تصدقين ودي اضمك عشانك عطيتيني أمل ف الكتابة 
نفسي و ودي من زمان أكتب
انقطعت عنها لي ثلاث سنين
بس انشغلت الفترة الأخيرة بالخياطة وبعض الأمور
باذن الله برجع لها بس انتهي من دراستي الحالية
الله يسعدك يا متفائله و يعطيك العطية الصالحة
واتمنى تتواجدين بشكل دايم fg
اقتباس:
المشاركة الأصلية كتبت بواسطة مبتعثة متفائلة
كنتي الزوجه كم في حياته
|
الخامسة 
__________________
الوعي هو الملاذ ..
أستغفر الله العظيم ؛
( الفردوس غايتي )