رد: من مذكراتي الشخصية
ما ابي اصير بطة
طبعا مرت اول ثلاث شهور* و انا في حالة ما يعلم بها الا الله
تعقدت من اللون الاصفر و من البطات
- الصالة ف بيت عمي -
سارة قاعدة تجهز حفلة للعيال بمناسبة انتهاء العام الدراسي
سارة هذي شمعة البيت و اللي مسوية جو كونها اخر العنقود
سارة تقول لعمتي بنسوي حفلة للعيال و راح استاجر خدمة الحفلات اخليهم يجيبون نطاطية و شخصيات و نختار لو موحد للاطفال يلبسونه نفس ثيم الحفلة ...
الاطفال هيه هيه هيه حفلة حفلة
و جلست سارة تسال اخوانها و أخواتها* اي لون تحبون لعيالكم
و العيال مبسوطين كل واحد يختار لون
انا اكلم بطني : يلا حبيبي متى تجي على الدنيا و تختار لون زيهم و تلعب معاهم*
احمر*
لا لا* هذا للحب الأزرق احلى
طيب الوردي
ما ينفع الوردي الاولاد ما يلسونه
طيب و الاصفر
نطت نورة أخت سعيد الكبيرة
*ايوه ايوه الاصفر
ناظرتها :
اشمعنى الاصفر
ردت: حلو الاصفر امس ابو العيال شرا لعيال ملابس صفرا و اعطوه بطات هدية من غير عنندي ف الروضة درس عن اللون الاصفر
مريم لانها معلمة رياض اطفال
انا اتبرع و اسوي للعيال ورشة كيف تصنع شمس او بطة
و هي تتكلم عن البطات و تنادي العيال
مين يقلد صوت البطة
و سارة المسكينه لمحت اني تغير وجهي ، و* تغمز لمريم اسكتي و مريم ماهي بفاهمة
و انا وجهي تلون احمر ازرق اخضر و زعلت
و مشيت غرفتي
اتصلت لسعيد و انا ابكي
سعود تعال انا ما اقدر اجلس هنا و لا دقيقة
يغمزون لي سكتت
يضحكون من وراي
سكتت
لكن توصل فيهم يخلون العيال يتطنزون عليي
ماني ساكته
و جلست ابكي و هو يهدي فيني
يريد يفعم وش السالفة
و انا ابد* والله ما اقعد دقيقة في ذا البيت و ابكي
سعيد: انا ف الدوام اللحين و مشغول بس ارجع نتفاهم
قلت ابد ماني قاعدة دقيقة تعال ودني بيت ابوي و ارجع لشغلك
سعيد طيب طيب ما يخالف بجي افهم السالفة
و انا اشبر الغرفة رايحة جاية
و اللي في مخي حسبي الله عليها تزيدني
شوفتي كيف ما يحبونك ?شفتي كيف يتمسخرو عليكي ؟
(سكتي يا شيخة محد وداني في داهية غيرك)
وصل سعيد
خير اللهم اجعله خير
قلت له السالفة
وقف و رفع يده للسماء
يارب صبرني على بلواي
الحمد لله و الشكر
ربي ليش ابتليتني بالزوجة المجنونة ذي
قلت له انا دارية من الاول أنكم* تتمسخرون عليي و* تقولون عني مجنونة بكني ساكته بمزاجي بس اللحين ابد ما اسكت
انا ايش سويت لكم علشان تعاملوني كذا
رد سعيد نورة اختي عاقلة و مو من ذي السوالف و لا في بالها
يمكن ما تقصد
قلت بلا تقصد
وش معنى ما اختارت الا اللون الاصفر ؟
و ليش البطة بالذات؟ يعني من قلة الحيوانات حواليها ؟
سعيد و هو يضحك
و انتي ليش تتحسسي من البطة و اللون الاصفر ? ماني فاهم?
قلت له تستهبل يعني
قال والله ما اعرف فهميني
جلست ابكي و اانا اقول له صار لي اسبوعين و انا احلم اني ف اخر حملي* تحولت بطه
و كلكم تجرون وراي تنادوني يا البطة
و انا ابكي و انتف ريشي و ذيلي يكبر و انا انتف و انتف و انتم تضحكون و البس عبايتي و يطلع الذيل من تحت العباية و انا ابكي
طبعا انا اتكلم و سعيد يضحك و يضحك و دعت عيونه
قال انتي مو صاحية
اللحين تركت شغلي و ياي طيران و هذي السالفة
قلت و اناا ابكي : الا السالفة موعادية انت موفاهم شي
قال طيب : يعني انتي تحلمين انك تحولتي بطة
وش دخل نورة اختي بالموضوع
قلت تراها تقول لي تعالي الروضة ساعديني ف درس البطة و هي اكثر وحدة تركض وراي تبي تصورني و توريني لاطفالها ف الروضة
سعيد متفاعل معاي يعني نورة تصورك و انتي بطة توريهم للجماعة ف الروضة
عجب انها ما تستحي كان انتظرت شوية علشان تولدين اقصد تفقسين بيضك و تصورك انتي و الكتاكيت معاكي
صرت انت تتمسخر عليي
انت زيهم
اطلع برع اطلع
قال انا طالع بس حطي في بالج انه نورة اختي ما دخلت معاكي ف الحلم و لا تعرف شي عن البطة حقتك ذي
و جلس يضحك و طلع
يووووه صدقه سعيد
نورة اش عرفها عن البطة و احلامي عن البطة
بس خبل الوحام اعماني
انا خاصمتها اسبوع و لمن عرفت جات عندي المسكينة و اعتذرت
يا قلبي يا نورة
سمعتها تقول لسعيد
حط بالك عليها باين انه وحامها صعب
*تحمل شوي
و الله يعينك
طبعا انا في تلك الايام ماكنت حاسة اني أكبر المواضيع اكثر من حجمها و اني صايرة حساسة زيادة عن اللزوم
و ابكي على اي حاجة
و هناك مواقف كثير تدمع لها العيون من شدة الضحك
والله اني كنت خبلة
الله يعين سعيد و عمتي ام سعيد على صبرهم ع كل ذا الجنون
عمتي تقول لسعيد خذها بيت اهلها ترتاح باين انه نفسيتها تعبانة حيل
انا جلست ابكي
ادري عمتي ما تحبني تريد ولدها يتركني و يتزوج عليي
ليش يا عمه ليش ( من وين جت هالفكرة الخبلة مدري)
سعيد من كثر ما يشوفني ابكي يأس و صار يترك البيت و يسهر ف المجلس مع اخوانه و اصحابه
و انا الخبلة اجلس ابكي و ابكي
ليش انت كذا يا قاسي ليش ? ليش تزوجتني يوم انك موقد المسؤولية
قال يا الخبلة انا اخليكي تبكين ع كيفك بعدين ارجع مافيني ع وجع الراس
__________________
احتاج افضفض بس ماهو عـلى الناس
الناس لا ترحم ولا تحفظ اسرار... ماقدروا ضيقة ولا شرهة إحساس
الله خلقهم بس .. نقالة اخبار