المشاركة الأصلية كتبت بواسطة شوك11

للجميع بلا استثناء ابي راي

امس رحت المستشفى موعدي المعتاد
طبعا من شدة الزحمة ما دخلت على الطبيبة الا بعد ما استويت من التعب وانا ابكي
فحصتني ومباشرة حولتني الطوارىء( احتمالية تنويم)
طلبوا مني اكلمه عشان ياخذ بناتي
للعلم ما وحت معاه لانه بدا يشتكي من البعد والمشوار في البيت الجديد فصرت ابعده عن المشاوير الثقيلة
جا وانا منومة وارسلت له بنتي يعرف مكاني
دخل علي فطلبت منه الممرضة الخروج
جلست اتكلم معاها وهو يقول لا تردين عليها كلميني انا !!
طلع
دق علي وجلس يهاوش انه جبته من اخر الدنيا وفي النهاية مرمي زي الكلب برا و........ الخ
لا شعورياً دعيت على نفسي بالموت عشان ارتاح منه لانه ما يقدر ظروفي وتعبي ابدا
اخذ البنات وطلع لما قال وش المطلوب مني مع انه رفض في البداية
طلعت النتايج وقالوا اطلعي
كلمته
قال برا ادور مطعم اتعشى !!
حاسبت الطوارىء وانا في قمة التعب والقهر والحزن اني داءماً وحيدة في اوجاعي ولو اطلب منه شي يقلبها نكد
رجعنا البيت ويدور مشاكل ومرة يرجع يتكلم عادي وانا كاتمة وبموت من الحزن على حالي
طلب عشا وقلت ما ابي وتعسى بالسيارة
رجعنا البيت وما كلمته بس حسسته اني متضايقه
كالعادة دخل بنص الليل يتطمن ويلحف بناته
اليوم متشبعه منه وافكر ارجع لاسلوب القطيعة وكل واحد بحاله
دق علي من شوي يسال انا رحت او لا
ويتعذر باسلوب اللف والدوران عن ردة فعله امس واللي صار
ويقول يطلع يوديني الحين هو طالما مديره مو موجود
قلت تعبانه ومو قادره اروح المستشفى
اصر ادخل على الطبيبة مرة ثانية
النتايج امس سليمة وكل اللي باقي اوراق رسمية ما للدكتورة علاقة فيها
قال المهم لا تسكتين روحي اذا تحسين انك مو زينة ( لي كم يوم اعاني من استفراغ وتعب غريب)
وان كانت هذي محاولة منه للاعتذار لكنها ما رح تنسيني قسوته امس وصراخه وهواشه علي وعلى الممرضات !!
باختصار ما ابي عمري يروح مع شخص ما فيه امل
حدي مخنوقه ومن امس ابكي يعني ترى شوك مو شوك