رد: معشر المطلقات و المتأخرات هل تراوِدك !
اقتباس:
المشاركة الأصلية كتبت بواسطة Vanity
أم خالد في حريم تاخذ هرمونات عشان ترضعه من حليبها ويصير ولدها بالرضاعة فعليا بدون اخ
ما ادري اذا يجوز شرعا او لا.. في فتاوي كثيرة
بس والله اجر كافل اليتيم والاحسان اليه عظيم
المشكلة بكيف تقدمين هالولد للناس.. اذا الوحدة ماتتحمل حكي الناس قد يظنون فيها ظن سيئ اعوذ بالله
|
يمه وش هالحكي 
انا اللي عندي يسكتونك بالفلوس
يتيم خلاص اكفليه ماديا و مالو داعي تتحمسين أكثر 
ودي والله احسها وناسة صدق وتجربة رائعه
فيه ناس كافله يتيم مع اطفالها ماشالله و مرضعته من صغره
يعني صايرين اخوان وبالرضاعه و البركة حافتهم
صديق لاخوي كذا ماشالله عليه الله يبارك له
اقتباس:
المشاركة الأصلية كتبت بواسطة 3beer1977
ربي يرزقك حبيبتي ماتتمنين
الله اعطاك رحمه وعاطفه ما اعطاها للامهات صدق
ليش لا اكفلي يتيم ودام كل ياتك ووقتك له
جيبي بنت وولد واذا احد مخلف من اخواتك او زوات اخوانك
خل يرضعونهم علشان يصيرون منكم وفيكم
وربي فكره تجنن والدنيا فانيه مالنا الا الاعمال الطيبه
وتكلمي مع اهلك بجديه وتوكلي ع الله وربي بيسر لك الي فيه الخير
البارح كلام نواعم كان عن هالموضوع
مره يحمس للي تحس نفسها بتتفرغ تفرغ تام لهم
انا وكافل تليتيم كهاتين في الجنه
فيه اعظم من مرافقة اطهر خلق الله في الجنه
وربي لو ظروفي تسمح ووضعي اني ما اتاخر دقيقه عنهم
ربي ييسر لك حبيبتي ♡
|
تسلمين على كلامك الطيب
ودي والله بس اهلي ما يحمسون من هالناحية نهائي
اساسا امور الرضاعه هذي اختلف مع كثير من ارائهم
سبق و قلت لاخويا بس رافض نهائي
يقول اذا صرت اب له لازم التزم فيه شرعا بكل شي
وانا يالله عيالي ماني ناقص و دام اخويا قال كذا وش بيكون راي زوج اختي
قفلت المواضيع هذي معهم من زمان بس اقولك ما زالت حبيسة عقلي
الله يعطيني مرادي و يعطيك مرادك اذا هي خير لنا
شرفتي يا قمر 
اقتباس:
المشاركة الأصلية كتبت بواسطة شيها نة
الحين إذا خذيتي طفل تربينه, وجاك الخاطب , وش بتقولين له ؟! |
ليييييين يجي الزوج الثالث فيها الحلال يا شيهانة 
اقتباس:
المشاركة الأصلية كتبت بواسطة كسر قلبي
والله انا من بعد طلاقي احس بكسر في النفس والم مابعده الم فعلا افكر كثير بالاطفال ودي لو اني اعيش مع رجل بكل معنى الكلمه بينا حب واحترام وانجب منه
ماعندي اطفال ولا طفل ولاحتى اخوات عندهم صغار يعني اتمنى طفل احمله بس من وين اوقات بشارع اشوف اطفال واتمننى احمله دقيقه ماشاءالله
بس الغريب اسمك ام خالد يعني شكله عندك اطفال
|
ماعاد نفكر بالزواج ياشيخه خلاص
دحين التفكير منصب في الأمومة
بحل لك هالاحجية
انا مطلقة مرتين اول مرة خلفت منه طفلين وثاني مرة بدون اطفال
الله يجعل انسي و انسك في كتابه قولي آمين
اقتباس:
المشاركة الأصلية كتبت بواسطة تلميذ الحياة
اختي الكريمة
لماذا لا تصبحي مربية اطفال و تبدأي مشروع حضانة اطفال من منزلك فالكثير من العائلات تمارس هذا النشاط و الكثير يبحث عن حاضنة تخاف الله و ترعى الأطفال بكل اهتمام
|
فكرت فيها لي سنة والفكرة في بالي
وأيدوني صديقاتي لغايه قبل اسبوع تكلمنا فيها
والكل شجعني و بيوتهم قريبة مني و غالبهم موظفات ويعانون من الشغالات
بس ما كلمت اهلي لاني اعرف الوالد ماراح يوافق اني اشتغل هالشغلة
مع انها فكرة حلوة على قولتك مطلوبة و كثير يدورون سعوديات
وانا من حب ناوية اشتغل هالشغله
ان شالله ربي ييسر لي هذا الأمر يارب
اقتباس:
المشاركة الأصلية كتبت بواسطة ويبقى الحنين
الله يرزقك بالذرية الصالحة انتي وكل محرومة يا رب
ويرزق اختي ام خالد بكل الي تتمناه
|
امين يارب تسلمين الله يحفظك اختي
__________________
الوعي هو الملاذ ..
أستغفر الله العظيم ؛
( الفردوس غايتي )