كبير المراقبين [ وسام العطاء الذهبي 2016 ]
تاريخ التسجيل: Jun 2012
المشاركات: 10,291
رد: كوفي شوب الصبايا 2 ( المشاركة للنساء فقط
عزيزتي شوك كلام كوين مزبوط
انا اول زواجي عانيت من عقلية زوجي
مع انو حنون وكريم وطيب لابعد الحدود ورومانسي وكان طاير فيني
بس كان عندو عقلية يفكر انو هيدا الصح ولازم امشي متل ما بدو وما كان عندو خبرة بالحياة
وربي ببيئة بتختلف كليا عن بيئتي
كان تغيير الاثاث ممنوع مع انو كان قديم ومستعمل بس سافرت اول زواجي
وهالشي صدمني
وكان سامحلي اصرف المال على اي شي بس تغير الاثاث لاء
لانو كان يعتبر هالشي مظاهر
كان يشوف انو الحب بيترجم بالتضحية من طرفي انا
بس كان يعوض بشي تاني بس هالشي كان صادمني
حسيت حالي انو شخصيتي انلغت لانو لازم يكون محور حياتي مع انو كان تاركلي مساحة مطرح ما بدي روح واجي ما يعترض
بس حس اني متقيدة لافكاره
كنت ساذجة وبسيطة وما عندي خبرة كيف اتعامل معو
احتواني كتير باشيا اول زواجنا ولهلئ
بس ما حاول يتقبل طموحاتي
كان في تناقض وانسجام بنفس الوقت
مع الوقت صرت ادرس نقاط ضعفه والعب عليها
مع انو وضعنا المادي كان وسط وكنت بقدر غير الاثاث كان يرفض
وبفترة كنا بوضع مادي صعب بعد تلات سنوات من زواجنا قبل غير بالاثاث
بعدين صار هوي يحب نغير وما يعارضني ابدا وصرت مغيرة تلات مرات
صار يقيس الاشيا وانو لازم يحب الي متل ما بحب لنفسو
بس تعبت لصار يفكر هيك
كان كل همو الدلع والرومانسية ومفكر انو الحياة الزوجية بتنبنى على هيدول وبس
رمى المسؤولية عليي بحجة انتي اذكى منو ومدبرة اكثر منو
لدرجة وقت بلشنا بنا انا اللي رسمت خريطة البيت وانا اللي اتعاملت مع المهندس والعمال
وما كان عندو مشكلة انو يكتبو باسمي المهم ما يحمل المسؤولية
بيساعدني بالبيت وبالاولاد وكنت اترك الولد معو بعمر اربع شهر وما عندو مشكلة
بس كل شي خارج البيت من معاملات او مع المدارس او شي بحاجة لتفكير واخد قرار بيتركه عليي
صار اذا قال لاء ضل وراه ليقول ايه
صرت اعرف من اي باب اجيه
اتغير بشكل مش طبيعي
وقت نرجع بالذكريات بيقلي انو ما كان عندو خبرة ولا كان يفهمني مع انو اكبر مني ب15سنة
__________________
اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه
التعديل الأخير تم بواسطة mimomea ; 31-03-2015 الساعة 05:51 PM