رد: كلام زوجتي وتصرفاتها السلبية تجاه والديها
^^^
تصدقي حاولت أتعاطف معاها بس ماقدرت !! ما أقول الله يخلف على أمها وأبوها كان ماعندهم بنت غيرها ! أصلا من قريت جملة ( مع نفسهم ) عرفت هي من أي شريحة من الناس !
اللي استغربته كون الأب شرط الملكة فترتها قصيرة ليه ..؟! سؤال محتاج إجابة .
اتهامها لأمها بالسحر تعتقدين شيء طبيعي ! واحد من إثنين يا إنها تتبلى على أمها وياكبر هذا عند الله أو إنها صادقة وهذا شيء خطير وغير مريح التعامل مع ناس لهم في هالأمور ..
صاحب الموضوع إنت تعرف إش سبب طلاقها ! زميلك هذا اللي دلك عليهم اسأله واتأكد منه شلون معاملة هالعائلة لبناتهم فيها اضطهاد شيء ..؟ وأنا أأيدك في موضوع تأجيل الحمل شوي لين تعرف خيرها من شرها .. على قولة الشاعر كلن يعود لأصل جده ومرباه .. إنت بعد حاااول فيها مو شرط تحب أهلها بس على الأقل إن ماذكرتهم بخير لا تذكرهم بشر .
بالأخير .. إذا زوجتك منغلقة على نفسها وغير اجتماعية وفيها نوعا ما حزن ومكتئبة وماتثق بالناس .. اي صحيح ممكن تكون عانت وشافت الويل بحياتها .. لو كانت طبيعية أو بمعنى أصح فالتها وفالحة بس ترمي كلام على أمها وأبوها فاللأسف هي مجرد - عوبـة - ماعرفت قيمة أهلها ومصير الأيام تعرفها .
__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔