أمس كنت واخواته وامه نود الذهاب للسوق
كان الكل جالس بما فيهم ابوه و طلبنا . ابوه طلب يودينا وطول الجلسة كل واحد يرمي بالطلعه عالثاني
كان من ضمن كلامي لزوجي انه انت ودنا و ريح ايوك كفاية مشاوير البيت من جمعية ..الخ

بالاخير قال زوجي بكرة بوديكم .. و طول الكلام هو متمدد و حاط السماعه باذنه و جالس عالتلفون
شكله وكلمه يوحي بانه ما يريد يودينا كسل منه
فتمينا على راسه .. قال بعدها مشغول و سكت
بصراحة نحن مااخذنا كلامه جد
كان من ضمن كلامي له بعد ما تؤك تلفونه .. بالاول قدرنا وضعك من دوم وكلية الحين عندك اجازة فودنا
بالاول قال اسكتي و بعدها قال ...لاحط نعال ...الخ
كانت الكلمة بعد ابوه ما طلع لكن بوجود امه وخواته
والكل سكت بما فيهم أمه

انقهرت وبعدني مقهورة ..
كلمته بالواتساب لكن ما برد قلبي ولا هو متندم على شي هو اهم شي نفسه


ما بكلمه ... نفذ صبري معاه .. كل مااكلمه اسكتي والا اش اش والا ما يرد

اريد اقرصه عشان يتأدب .. اريد شي يزلزله عشان يصحصح

تعرف ان والدي يتمنى اليوم اللي ارد بيتنا زعلانه من زوجي .. عشان يأدبه ويلعوزه و ما بيردني له بشهولة
رغم ان ابي لا يعلم الكثير ..