البنات ماقصروا في الرد ع أسألتك ... لكن رح أقولك نظامي في النفاس سهل ومرتاحه عليه ثلاث ولادات الحمدلله

قبل ماأولد أشتري تمر معجون واكوره ع سم سم واحطه في علبه واسوي علبه ثانيه رشاد وأكل كل يوم ثلاث حبات ...

يعني عند سريري مجموعة أشياء :
علبة تمر بالسم سم والرشاد
وعسل أصلي أخذ ملعقه الصباح وملعقه قبل النوم
وسله فواكه أمامي دائما منوعه عشان تنفتح نفسي
وغلايه للمويه اسوي كوب قرفه او قشر

الاكل ع أهلي الله يحفظهم بس أكل ع خفيف لاني أخذ فيتامينات

بالنسبه للنظافه الشخصيه انتبهي من كثرة المويه الدافيه ولاداتي الاولى والثانيه كثرت منها وانفتحت المنطقه رغم اني مخيطه
ولادتي الثالثه نصحتني الدكتوره اني اتغسل بالموبه الدافيه لما أصحى وقبل النوم وابتعد عن الملح عشان الخيوط تاخذ راحتها وتلم المكان
والمويه الدافيه تفكها بسرعه قبل مايضيق المكان ...

وفعلاً جربت بولادتي الاخيره سوت لي خياطه مع تضييق وتركت المنطقه ع الميبو فقط ومويه دافيه مرتين فقط والحمدلله حسيت بفرق عن ولاداتي السابقه ....


ولاتنسي تغيير الفوط بإستمرار لاتعدي ثلاث ساعات اذا في خياطه ..


الله يقومك بالسلامه دعواتك لي انه ربي يفرج علي باقي لي شهرين وميته خوف من الولاده يارب تسهلها من عندك ....