الله يسلمكم جميعا اولا

اتصلت على زوجتي وقلت لها ابغى ذوقك عشان اشتري لاختي اسويه هديه
حسيت ان القيامه قامت
والله لو قلت لها بيشتري هديه لصاحبي وبمبلغ أغلى من كدا كانت حتوافق انا اعرف الغيره اللي في قلوب البنات
مع انو نفسي كان أعطى اختي هديه قيمه من زمان لكن الحمدلله اختي من يوم اتزوجت لم تأتي مناسبة لاعطيها هديه لدرجه كنت اقول في نفسي متى اختي تتنوم في المستشفي الله لا يقول عشان أهديها ههههههه وجاء الوقت لاهديها وصعب اهديها هديه متواضعه
المشكلة زوجتي سوت عملية قبل رمضان واهديتها اسوره ذهب وضيعتها بعد العيد واشتريت لها اسوره لما كنا في إسبانيا وضاعت في الفندق ولما رجعنا جده رحت مره ثانيه كوتش ولقيت نفس الاسوره دوبها واصله وفاجاتها وتقول لي دحين انت ما تفكر فيا تشتري لي هديه مع اني أمس مشتري لها هدية صغيره

اللهم طولك يا روح

السؤال
أخذها معايا عشان اشتري لاختي هديه أو اروح لوحدي

ودمتم في حفظ الرحمن

__________________
حبيبتي .... عندما تبتسمي الي سوف تنير كل النجوم التي في السماء